黃翠如分享坐月必備稱患上媽媽手 蕭正楠最愛抱住蕭哈哈聞「哈頭香」

黃翠如分享坐月必備稱患上媽媽手 蕭正楠最愛抱住蕭哈哈聞「哈頭香」

黃翠如 喺3月底公布誕下愛兒蕭哈哈，同老公 蕭正楠 升格新手爸媽後，過去嘅日子都忙住湊B，一星期前夫妻仲幫阿仔慶祝滿月，咁啱同一日係翠如同阿蕭結婚七周年紀念日，往後呢個日子就有雙重意義。

坐完月之後，翠如終於有時間同大家更新近況，見翠如狀態大勇，水腫全消，拍咗條片以「月子好物分享」為主題，講述自己坐月時必備用品，翠如話因為自己係新手媽媽關係，最初唔識抱BB又唔太識餵奶，所以只係短短湊B一個幾月，已經患上媽媽手，要包紮上護腕紗布，減輕痛楚。
短片中翠如又介紹廁所洗手盆隔離放有熱水壺，另一個小壼就盛載薑水用嚟洗手，重點係有個大型熱水煲，放咗艾草薑包煲熱水洗頭沖涼。另外仲有束腰帶同一次性手套都係必備，因為喺坐月期間翠如刷牙、食飯、去廁所都會帶上手套，避免濕水。

另一邊廂╴阿蕭就抱住愛兒蕭哈哈一臉幸福慈父樣，仲邊聞住BB嘅氣味邊錫錫BB嘅頭，完全陶醉喺父子世界之中，阿蕭仲寫道：「每個人有唔同的愛好，有人喜歡咖啡香，有人喜歡花香，有人喜歡腳香，我就十分非常嚴重地喜歡這個香味，特別係未洗之前，油油騒騒奶奶的。」並Tag上#哈頭香#第二最愛的氣味#5月5日。

鬼馬嘅翠如就留言反問：「第一最愛應該係魚頭香？」仲話哈哈大個仔咗好多，睇嚟好快可以高過Daddy，更指自己最近爭住聞油頭仔好忙。好友吳若希Jinny Ng則肉緊話：「唉唷哦哦哦...好打意好乖嘅背隻。」阿蕭即下旨令叫Jinny忍吓口，唔好咬我個仔。亦有眼利嘅網民留意到哈哈耳仔同爸爸一樣咁大。

#黃翠如 #蕭正楠 #新手爸媽 #滿月 #紀念日 #餵奶 #慈父 #蕭哈哈 #哈頭香 #父子世界 #坐月 #魚頭香 #吳若希
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0