PARIJda IDEAL BIR KUN | Eng mashhur joylar va yashirin go‘zalliklar

Parij: shoshilmasdan ko‘rish kerak bo‘lgan shahar.

Parijda 2 kundan kam vaqt bo‘ldim va rostini aytsam, bu shahar uchun bu juda kam. Parij juda katta — tarixiy binolar, muzeylar, saroylar, parklar, ko‘chalar… qilish va ko‘rish kerak bo‘lgan narsalar juda ko‘p.

Vaqt kam bo‘lgani uchun ba’zi katta joylarga kira olmadim. Masalan, Notre-Dame ichiga yoki ayrim mashhur cherkovlar va muzeylarga kirish nasib qilmadi. Lekin bu ham Parijning qanchalik boy shahar ekanini ko‘rsatadi.

Ko‘p odamlar “Parij overrated” deydi.
Mening fikrim boshqacha: Parij perfectly rated.

Agar siz tarixni va chiroyli arxitekturani yaxshi ko‘rsangiz, bu shahar boshqacha seziladi. Agar ich-ichingizda hali ham 1990-yillarning oxirida yashaydigan odam bo‘lsangiz, Parij xuddi film ichida yurgandek bo‘lib tuyiladi. Midnight in Paris va shu yerda olingan filmlar bejiz emas ekan.

Ko‘pchilik Parijga faqat Eyfel minorasi uchun keladi, lekin shoshmay turing. Bu yerda ichiga kirib ko‘rishga arziydigan muzeylar, operalar, saroylar juda ko‘p. O‘sha joylarda odamlar buni qanday qilib qurganini ko‘rib, shaharni boshqacha tushuna boshlaysiz.

Bu videoda imkon qadar ko‘proq joylarni ko‘rsatishga harakat qildim. Borgan joylarimning hammasini Telegram kanalimga ham tashlayman — pastdagi havola orqali, qo‘shilib oling.

Eyfel minorasining o‘zi ham overrated emas. Rasmlarda kichikroq ko‘rinadi, lekin real hayotda yetarlicha katta va ta’sirli. Kechasi yonadigan sariq chiroqlari esa Parijga umuman boshqa kayfiyat beradi.

Parij go‘yo 2 xil shahar:
kunduzgi Parij va tungi Parij.
Tunda u xuddi artistlar dunyosiga o‘xshaydi.

Agar his qila olsangiz, Parij ichingizda nimanidir uyg‘otadi. Men buni faqat kelib ko‘rgandan keyin tushundim. Har bir odam hech bo‘lmasa bir marta kelib, shu hissiyotni his qilsa zo‘r bo‘lardi.

🎁 Sifatli kontent yaratishga hissa qo‘shing:

Agar videolarim sizga qiziqarli va foydali bo‘layotgan bo‘lsa, qo‘llab-quvvatlashingiz mumkin 👇

▪️ VISA: 4231 2000 0996 8032
▪️ HUMO: 9860 1601 2479 2963
(Asilbek Mirzayev)

📲 Ijtimoiy tarmoqlarimda ham kuzatib boring:
Telegram — t.me/asilbekmirzayevv
Instagram — instagram.com/mmirzayeev

#paris #france #parij #travelvlog #europe #yevropa #yevropagasayohat #asilbekmirzayev #paristravel