“Qora bozor”da Starlink terminallari sotilmoqda

Bloomberg‘ning manbalarga tayanib yozishicha, amerikalik tadbirkor Ilon Maskka tegishli SpaceX kompaniyasining Starlink internet-terminallarini ular rasman sotilmaydigan va ishlamaydigan dunyoning ko‘plab mamlakatlaridagi qora bozorda topish mumkin.
Jurnalistlar tomonidan olib borilgan tergov natijasida Starlink to‘plamlarini noqonuniy sotish va faollashtirishning ko‘plab holatlari aniqlangan.
“Starlink‘ning kontrabanda yo‘li bilan olib o‘tilayotganligi, shuningdek uning qora bozorda mavjudligi, terminallardan g‘arazli foydalanish tizimli global muammo ekanligini ko‘rsatadi”, — deb yozadi maqola mualliflari.
Nomi oshkor etilmagan G‘arb diplomatlarining agentlikka maʼlum qilishicha, bugungi kunda Starlink‘ni Sudanda sotib olish mumkin va undan, jumladan, hukumat armiyasiga qarshi kurashayotgan kuchlar foydalanyapti. Terminallar Dubayda ro‘yxatdan o‘tkazilgan va samolyotda Ugandaga olib ketilgan, keyin quruqlik yo‘llari orqali Sudanga yetkazilgan.
Shunga o‘xshash yo‘llar orqali ushbu terminallar Venesuelaga ham yetib borgan, garchi, ochiq manbalarga tayanilsa, Starlink bu mamlakatda ishlamasligi kerak.
Jurnalistlarning yozishicha, Starlink‘dan foydalanishga ruxsat berilmagan Janubiy Afrika respublikasida ham terminallar savdosi “gullab-yashnamoqda”. Mijozlarga qo‘shni Mozambikda faollashtirilgan to‘plamlar taklif qilinmoqda.
Qurilmalardan noqonuniy foydalanish va oldi-sotdi qilish javobgarlikka sabab bo‘lishi mumkin. Ehtiyot bo‘lamiz.

"Unicon-Soft" kompaniyasi

Kanalga obuna bo‘ling:    / @uniconsoft  
Aloqa markazi:
+998712004646
+998712356239

Ijtimoiy tarmoqlarda:
https://telegram.me/uniconsoft
  / uniconsoft  
  / unicon_soft  

Bizning tizimlarimiz haqida quyida:
@E_huquqshunos_Unicon_soft
@edoijro