Top News - Shumë armë në duart e njerëzve / Kosovë, 18 vrasje vitin e kaluar, flasin ekspertët

Vitin e kaluar në Kosovë janë regjistruar 18 vrasje. Ekspertë të sigurisë kanë ngritur shqetësim për motivet e këtyre vrasjeve që lidhen me krimin e organizuar dhe aktivitetet e jashtëligjshme. Katër persona u vranë brenda një dite në gusht. Vrasje e trefishtë në Gjilan, e një tjetër në Prizren...këto kanë qenë rastet që tronditën gjithë vendin. Drejtori i përgjithshëm i Policisë së Kosovës, Gazmend Hoxha, thotë se në kosovë ka në fakt një rënie të numrit të vrasjeve por edhe se është e pamundur të parandalohen shumë raste.
Hoxha: 18 vrasje gjatë vitit 2025, e pamundur të parandalohen
“Kosova e ka nisur jetën e saj të pasluftës në vitin 2000 me 260 vrasje. Pastaj ka lëvizur 170, 158, 130, 150. Vitin që shkoi [2024] ne i kemi pasur vetëm 17 vrasje të raportuara. Në këtë vit [2025] i kemi 18. Do të thotë, rënia është shumë rapide në krahasim me ku kemi qenë dhe ku jemi, por është e pamundur të gjitha rastet e vrasjes apo rastet e rënda të parandalohen për shkak që nuk mund të jetë policia në çdo kund, në çdo vend, në çdo banesë, në çdo lokal, në çdo rrugë, në çdo skutë, ose nuk mundemi asnjë polici e botës, sado e organizuar që është, sado profesionale që është, që të futet në mendjen kriminale të dikujt
Për Mentor Vrajollin, nga qendra kosovare për studimet e sigurisë, shqetësuese janë motivet e vrasjeve.
Vrajolli: Institucionet të ulin rastet e aktiviteteve kriminale
“Kryesisht, ka pasur motive të ndryshme të vrasjeve. Ato që kanë qenë ndoshta më shqetësuese se një numër i caktuar i vrasjeve kanë qenë të ndërlidhura me krimin e organizuar dhe aktivitetet e kundërligjshme e që fatkeqësisht edhe më tutje po ballafaqohemi me probleme të tilla, sidomos këto fajdet, janë një ndër problemet e theksuara që janë raportuar dhe një vrasje që ka pasur më së tepërmi bujë gjatë këtij viti
Eksperti i sigurisë, Avni Islami ngre ndërkohë shqetësimin për posedimin e një numri të madh armësh ilegale nga ana e qytetarëve.
Islami: Numër i armëve është i madh në duart e qytetarëve
“Numri i armëve është jashtëzakonisht i madh në duart e qytetarëve, pra, qoftë armëve të cilat mund të licencohen dhe të jepet leja për to, qoftë edhe armë luftarake siç janë kallashnikov e të tjera, pra armë të cilat vrasin, mund të vrasin në masë njerëz. Prandaj, sikurse vitet e kaluara, është mirë, do të ishte e rrugës që institucionet e shtetit të fillojnë edhe njëherë dhe unë besoj çdo vit ishte dashur që të ketë një amnisti.
Sipas të dhënave, gjatë vitit 2024, në kosovë janë regjistruar 17 vrasje.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Kosove#Armet