Semar Babar Jati Diri (Re-upload Video & Audio Panggung) - H. Ade Kosasih Sunarya GH2

Misi dibuatnya channel ini adalah dalam rangka pelestarian budaya lokal (folklore) Jawa Barat yang memiliki kearifan lokal (local wisdom) yang adiluhung. Pelestarian budaya tersebut di antaranya dengan cara pengarsipan digital kesenian-kesenian lawas tradisional rakyat Jawa Barat dari sumber aslinya (primer). Pengarsipan budaya tersebut dipublikasikan melalui media sosial seperti YouTube agar dikenal kembali oleh para generasi penerus.

Kesenian-kesenian tersebut di antaranya seni musik, seni tari, adat-istiadat/tradisi, sandiwara rakyat, seni pertunjukan (wayang golek/puppet show), dan sebagainya. Tentunya konten-konten yang dibuat sudah dimodifikasi sedemikian rupa melalui proses editing dan bersifat unik serta ditambahkan deskripsi atau sinopsis dari setiap konten video agar memiliki nilai hiburan dan edukasi yang signifikan bagi para penggemar budaya Sunda.
=============================
Video ieu mangrupakeun aplodan ulang ti aplodan saméméhna. Kumargi aya anjuran ti Youtube, pami ngaplod kontén sanés karya asli kréator kedah aya narasi atanapi masihan gambaran kana eusi vidéo. Kukituna mugia dimaklum.

Dina aplodan ngawitan nu format video teu dugi ka tamat margi ti sumberna gé teu dugi ka tamat. Supados teu ngagantung kana eusi cariosna disambung ku format audio panggung di tempat sanés nu nyandak lalakon sami.

Video nu ngawitan mangrupakeun rékaman video panggung di TMII, April 1996, dina raraga milang kala ka-21 TMII. Saterasna disambung ku format audio panggung waktos GH2 ngagejrak di Sukabumi.

Juru kawih atanapi sindén dina pagelaran ieu nyaéta Bu Enok Pelor sareng Bu Ai Supartini (Si Jangkrik). Sedengkeun wiraswarana nyaéta Mang Lukman Effendi sareng Mang Encang Guyur.
=======================

Pami nengetan téma lalakon di satiap judul lalakon wayang golék seueur nu sami hususna ngeunaan pusaka Layang Jamus Kalimusada nu dipiboga ku Pandawa ti Amarta. Nu ahirna, nu gaduh lalakon pamungkas téh Semar Badranaya. Rupina mah téma lakon kieu pikeun siloka atawa gambaran ngeunaan dasar falsafah bangsa Indonesia nyaéta Pancasila. Maklum di jaman Orde Baru mah, ideologi Pancasila téh istuning diugung-ugung pisan, malah aya penataran ngeunaan Pancasila nyaéta P4 (Pedoman Penghayatan dan Pengamalan Pancasila) atawa Eka Prasetya Pancakarsa. Kitu deui dina pagelaran wayang golék aya pesen-pesen moral nu didugikeun ku dalang pentingna pengamalan sila-sila dina Pancasila.

Sinigeug, di karaton karajaan kajinan Gunung Kapitu, Prabu Durjana Murka keur sinéwaka jeung Patih Durjana Séti katut pingpinan prajurit Durjana Reksa. Sanajan ngarasa yén karajaanana loba patalukanana tapi can ngarasa sugema kénéh. Nu jadi marga lantaran kabéh gé patalukanana lain bangsa manusa. Durjana Murka téh boga ambisi hayang naklukkeun karajaan bangsa manusa. Boga rasa sirik ka Karajaan Amarta nu dirajaan ku Prabu Yudistira dianggapna dipikaasih ku para déwa.

Dumasar katerangan ti Durjana Reksa, yén kamajuan di Amarta téh boga pusaka Layang Jamus Kalimusada salaku lambang atawa falsafah nagara. Kukituna Prabu Durjana Murka ngajurungan patihna supaya maling Layang Jamus Kalimusada. Patih Durjana Séti nyamar jadi Semar Badranaya supaya gampang nginjeum Layang Jamus Kalimusada ka Pandawa.

Mung sakitu sinopsis carios Semar Babar Jati Diri. Teu hilap ka nu teu acan subscribe channel pribados nu énggal ieu mangga subscribe, “like”, koméntar, sareng pencét loncéngna supados uninga pami aya aplodan énggal. Salajengna urang sadayana kintun du’a ka almarhum Pa H. Ade Kosasih Sunarya katut para nayaga GH 2 nu tos ngantunkeun, mugia sadaya almarhum ditampi iman islamna, dihapunten dosa-dosana, dicaangkeun di alam kuburna, dipaparinan tempat anu mulya mungguhing Allah Swt, husnul khotimah. Aamiin YRA.