ДАҲСОЛАИ ТАҲКИМИ СУЛҲ БА ХОТИРИ НАСЛҲОИ ОЯНДА ТАШАББУСИ ШАШУМИ БАЙНАЛМИЛАЛИИ ТОҶИКИСТОН

ТАШББУСИ ШАШУМИ БАЙНАЛМИЛАЛИИ ТОҶИКИСТОН
ПАЁМИ СУЛҲ
Сулҳ баҳори зиндагии инсоният аст. Ҳар ҷо, ки сулҳу субот аст, он ҷо ҳатман рушду пешравӣ аст. Саодати инсоният, ҳастии инсоният, бақои инсоният ба ҳастии сулҳ марбут аст. Агар сулҳ нест, зиндагӣ маъное надорад.
Дар ҷомеаҳое, ки сулҳ пойдор аст, ба таври устувор пеш мераванд ва ба дастовардҳои рӯзафзун ноил мегарданд.
Агар об омили сарсабзиву ҳастии биологии инсоният бошад, сулҳ омили сарсабзиву ҳастии маънави инсоният аст.
Бе сулҳ чароғи равшанибахши ҳаёт ва неруи ҳароратбахши дилҳо ба зиндагӣ хомӯш аст.
Дар дунё ҳеҷ неруе қавитар аз сулҳ вуҷуд надорад.
Имрӯз, ки авзои ҷомеаи ҷаҳон муташанниҷ аст, равандҳои мураккабу печида онро фаро гирифатаанд, дурнамои ҷомеаи инсоният номуайян аст ва идора кардани набзи ҷомеаи башарӣ ба иродаи мухталиф тааллуқ дорад ва ба ҳам овардани иродаҳо кори саҳлу осон нест, сулҳ назар ба ҳар лаҳзаи дигари таърихӣ аҳаммияти сарнавиштсоз пайдо кардааст. Бо дакри ҳамин зарурат, Президенти Ҷумҳурии Тоҷикистон, Пешвои миллат муҳтарам Эмомалб Раҳмон дар ҳамоиши Саммити Оянда, ки 23 сентябри соли 2024 дар Иёлоти Муттаҳидаи Амрико баргузор гардид, ба ҷомеаи башарӣ пешниҳод намуданд, ки тавассути қатъномаи махсуси Созмони Милал “Даҳсолаи таҳкими сулҳ ба хотири наслҳои оянда” қабул карда шавад.
Пешвои миллат муҳтарам Эмомалӣ Раҳмон дар шарҳи ин пешниҳод ҳамчун сиёсатмадори сатҳи ҷаҳонӣ чунин иброз намуданд, ки “Имрӯз, мо шоҳиди афзоиши низоъҳо дар манотиқи гуногуни ҷаҳон ҳастем, ки садҳо ҳазор талафоти ҷониро миёни аҳолии осоишта дар пай доранд”.
Ф. Сафарзода – сармуҳаррири идораи барномаҳои сиёсӣ – таҳлилии “Телевизиони Тоҷикистон”