#محمد_العباسي

قصيده تعزيه ومواساه مقدمه من الاخ
(ابو يوسف الخياطي )
ومن القاضي./عقيل الخياطي
ومن الاخ عدنان زمام الخياطي

بلسان الشاعر علي مبخوت الخياطي
والذي قالوها رثاء بعد المرحوم له بئذن الله تعالي
محمود العصيمي
رحمة الله تغشاه واسكنه ربي فسيح جناته
كما يعزون فيها كل اولاد المرحوم
محمد العصيمي
عصام العصيمي
فوازي العصيمي
هيثم العصيمي
والقصيده تحكي وتعبر بما فيها

ــــــــــــــــــــــــــــــــــــــــــــــ
نبدع القول بك ياالله ياعالي الشان
يامداوي جروح اهل القلوب الوجيعه

نحمد ك عدما شنت سحابه بالامزان
واسقت العاليه واشعابها والنقيعه

كل مخلوق على ارضك وكون الفلك فان
حكمتك ماضيه في بين خلقك بديعه

ابن مبخوت قال ياهاجسي واحضر الان
ارسل التعزيه عاجل بصوره سريعه

تعزيه تبلغ الانساب ذي هم لنا اخوان
لحم ساعد ورزح الظهر وقت الوقيعه

طيبين الفعايل صيتهم طول الازمان
واصلين الصحب مايعرفون القطيعه

قلعة القاهره حنت مع قصر نعمان
والشراقي مع باقي الحصون المنيعه

بعد موت النسب محمود يادمع الاعيان
اسكبي دام لش في بعد موته ذريعه

مات محمود عصيمي ساس ربعه والاركان
صاحب القبيله والمعرفه والشريعه

شيخ له كلمته مسموع في كل ميدان
لاحكم كان حكمه مثل شمس الطليعه

لايجامل ولا يقبل من القول بهتان
لويكون الغريم من اقرباه مايطيعه

بالكرم والشهامه والتواضع والاحسان
عاش عمره ونفسه من هواها قنيعه

البعيد والقريب واهله وربعه والاخوان
كان خيره عليهم مثل جربه زريعه

لاظلم حد ولاشي له مع الناس عدوان
يدفع الشر ويداريه بما يستطيعه

ءاخر النطق من دنياه ءايات قرآن
والشهاده يرددها بصوره بديعه

مثل بدرالسما وجهه مغطى بالاكفان
بعدما صار روحه عند ربه وديعه

نسألك ياله الكون صبرن وسلوان
لان موته علينا كان أكبر فجيعه

نطلبك مغفره تغشاه ورحمه وغفران
واسكنه ياله الكون جنه وسيعه

ختمها الف صلى الله على نور الاكوان
البشير النذير ياسعد من هو شفيعه