MILLIY SERTIFIKAT KIMYO I 41 - SAVOL I NAMUNAVIY

✍️ Bilim va malakani baholash agentligi 2025-yildan kimyo fanidan milliy sertifikat imtihoni yangi formatga o`tkazilishi munosabati bilan har bir variantning 41-savoli ayni videodagidek masala bo`lishi sababli, 🛫@kimyo_biz Telegram kanali tomonidan "Yangi tipdagi Milliy sertifikatning Standartga mos 41 – savol tipining namunaviy yechimi" taqdim etadi.

⭐️ Savolning to`liq matni:

🛑 Topshiriqni bajarish jarayonida barcha reaksiya tenglamalarini yozing. Miqdoriy va arifmetik hisoblashlarni (unga asos bo‘lgan usul yoki formulani ko‘rsatgan holda) uzviy ketma-ketlikda bajaring.

➡️ Zichliklari 1,2 g/ml va 1,5 g/ml bo‘lgan mis (II) sulfat eritmalari teng massada aralashtirilganda (hajm o‘zgarmagan deb hisoblang) “Eritma 1” deb nomlangan 300 ml 30 % li CuSO4 eritmasi hosil bo‘ldi. Ushbu eritma 6,7 A tok kuchi bilan ma’lum vaqt elektroliz qilindi. Natijada, kislotaning miqdori (mol) tuznikidan 2 marta ko‘p bo‘lgan eritma hosil bo‘ldi. Hosil bo‘lgan eritmaga 20 % li NaOH eritmasi qo‘shilganda neytral muhitga ega “Eritma 2” olindi. Agar “Eritma 2” elektroliz qilinsa katodda faqat vodorod ajraladi.

➡️ 1. “Eritma 1” necha soat davomida 6,7 A tok kuchi bilan elektroliz qilingan?
➡️ 2. Qo‘shilgan NaOH eritmasining massasini (g) toping.
➡️ 3. Tarkibi Glauber tuzi bilan bir xil bo‘lgan eritma hosil qilish uchun “Eritma 2” tarkibidan necha gramm suv bug‘latilishi kerak?
➡️ 4. “Eritma 2” tarkibidagi sulfat ionlarini to‘liq cho‘ktirish uchun sarflanadigan BaCl2 massasini (g) toping.

🔉 Diqqat! Mazkur topshiriq kengaytirilgan javobni talab etib, uning yechilish usulini va shu usul asosidagi barcha hisoblash amallarini javoblar varaqasida aks etishi lozim.