Said Achtuk bismi ad nDmp ya uqSid
Автор: Mohamed Ouadi
Загружено: 2025-10-30
Просмотров: 563
Lyrics : iwaliwn n imurig (tifinagh & tasrghint)
ⵕⴰⵢⵙ ⵚⵄⵉⴷ ⴰⵛⵜⵓⴽ /
ⵍⴰⵛⵢⴰⵅ ⵓⵍⴰ ⵍⴰⵡⵍⵉⵢⴰ ⵡⵉⵏ ⵜⵎⴰⵣⵉⵔⵜ
ⵍⴰⵛⵢⴰⵅ ⵓⵍⴰ ⵍⴰⵡⵍⵉⵢⴰ ⵡⵉⵏ ⵜⵎⴰⵣⵉⵔⵜ
ⴰⵢⵃ ⵉⵄⴷⵍ ⵕⴱⴱⵉ ⵉⵎⵓⵔⵉⴳ ⴳⵉⵏ ⴰⵙ ⵍⵀⵉⴱⵜ
ⴰⵔⴷⴰ ⵉⵜⵜⴷⴰⵡⴰ ⵉⵎⵓⴹⴰⵏ ⵃ ⵍⵇⵍⴱ ⵉⵣⵉⵢⵢⵏ
ⴰⵜⵜ ⵉⴳ ⵕⴱⴱⵉ ⴷ ⵓⵙⵍⴰⵍ ⴰⵜⵜ ⴱⴷⴷⴰ ⵜⵙⵉⴳⴳⵉⵍⵎ
ⴱⵉⵙⵎⵉⵍⵍⴰⵀ ⴰ ⵢⴰ ⵓⵇⵚⵉⴷ ⵖⵉⴽⴰⴷ ⵉⵣⵉⵢⵢⵏ
ⴰⵜⵜ ⴷⴰⵃ ⵉⵏⵉⵃ ⵉ ⵡⵉⵍⵍⵉⴷ ⵖⵉⴷ ⵉⵎⵎⴰⴳⴳⴰⵔⵏ
ⴰⵛⴽⵓ ⵉⵍⵍⴰ ⵎⴰⵢⵙ ⵉⵏⵏⴰⵏ ⵓⵔⴰ ⵜⵜⵏⴹⴰⵎⵏ
ⵖⴰⵢⵍⵍⵉ ⴱⴷⴷⴰ ⵜⵜⵉⵏⵉⵏ ⵓⵔ ⴰⵜ ⵙⴱⴰⴷⴰⵍⵏ
ⵓⵔⴷ ⵉⵙ ⵓⴳⵉⵍ ⴰ ⴼⵍⴰⵏ ⴰ ⵓⴽⴰⵏ ⵜⵜⵏⴹⴰⵃ
ⴰⴷ ⵏⵉⵜ ⵏⴹⵎⵃ ⴰⵇⵚⵉⴷ ⵏⵣⴳⴰ ⵍⵃⵙⴰⴱ ⵏⵙ
ⵢⴰⴽⵯⵔⵜ ⴽⵔⴰ ⵍⵎⵙⵅⵓⵟ ⴰⵔ ⴳⵉⵙ ⵜⵜⵅⵔⴱⴰⵇⵏ
ⴰⵃ ⴰ ⵕⴱⴱⵉ ⵢⴰⵏ ⵃ ⵉⵍⵍⴰ ⵍⵃⵓⴱ ⵉⴳⴰⴱⵍⵜⵏ
ⵓⵔ ⵙⴰⵔ ⵉⵍⵉ ⵚⴰⵃⵜ ⵓⵍⴰ ⵉⵙⵎⴷ ⵍⵖⵕⴹ ⵏⵙ
ⴰⵛⴽⵓ ⵉⴷ ⴱⴰⴱ ⵏⵙ ⵉⵀⵍⴽⵜⵏ ⵟⵟⵎⵄ ⵉⴳⴳⵓⵜⵏ
ⴰⵃ ⵉⴳⵍⵍⵉⵏ ⴰ ⴱⵓ ⵏⵏⵉⵢⵜ ⵓⵔⴰ ⵜⵜⵏⵊⴰⵃⵏ
ⴰⵔ ⴽⴰ ⵏⵜⵜⵅⵎⵎⴰⵎ ⵏⴽⴽⵉⵏ ⵉ ⵉⵅⴼ ⴰⴷ ⵉⵏⵓ
ⵉⵍⵍⵉⵃ ⵙⵖⵉⵃ ⴰⵊⴷⴰⵄ ⵓⵡⴼⴰⵏ ⵛⵛⵕⵓⴹ ⵏⵙ
ⵏⵙⵖⴰⵙⵏ ⵜⴰⵔⵉⴳⵜ ⵓⵔ ⵉⵍⵍⴰ ⵛⵓⴱⵓⵀ ⵏⵙ
ⴰⵔⵜ ⵏⵜⵜⵄⵍⴰⴼ ⴰⵔⵜ ⵏⵙⵙⵉⵔⵉⴷ ⵏⴳⴰⴱⵍⵜⵏ
ⵏⵃⵎⵍⵜ ⵓⴽⴰⵏ ⵓⵍⴰ ⵏⵉⴽ ⵏⵄⵣⵣⴰ ⴷⴰⵔⵙ
ⵉⵍⵍⵉⵃ ⵣⵔⴰⵏ ⵉⵎⵏⴰⵢⵏ ⵉⵙⵙⵓⴽⴼ ⵜⴰⴳⵓⵙⵜ
ⵉⵍⵍⵉⵃ ⵣⵔⴰⵏ ⴰⵎⵏⴰⵢ ⵉⵙⵙⵓⴽⴼ ⵜⴰⴳⵓⵙⵜ
ⵡⴰ ⵢⴰⵃⴱⵉⴱ ⵉⵏⵓ ⵎⴰⴷ ⴰⵃ ⵉⴱⴹⴰⵏ ⵏⴽⴽⵉ ⴷⵉⵡⵏ
ⴰⴽⴽⵯⵏ ⵉⵃⵔⴳ ⵕⴱⴱⵉ ⵃ ⵜⴰⴽⴰⵜ ⵣⵓⴷ ⵜⴰⵙⵏⴳⴰⵔⵜ
ⴰⵔ ⴽⵯⵏ ⵜⵕⴱⴱⵓⵃ ⵏⵙⴽⵕ ⴳⵉⴽ ⵍⵅⵉⵕ ⵉⴳⴳⵓⵜ
ⵡⴰⵔ ⵜⵉⴳⵉⵔⴰ ⵙⵓⵍ ⵜⵔⵡⵍⵜ ⴳⵉⴳⵏⵃ ⴰ ⴹⴰⵍⵎ
ⵡⴰⵍⴰⵢⵏⵏⵉ ⵏⵙⵙⵏ ⵏⵉⵜ ⵎⴰⵏⵉ ⴷ ⵙⵉ ⵜⴽⴽⴰ ⴹⵔⴱⵜ
ⵡⴰⵍⵍⵉ ⴽⵯⵏ ⵢⵓⵔⵓⵏ ⴰⴷ ⴰⵃ ⵉⴱⴹⴰⵏ ⵏⴽⴽⵉ ⴷⵉⵡⵏ
ⵓⵔ ⴳⵉⵡⵏ ⵔⴰⵏ ⴰⴷ ⵜⵉⵍⵉⵜ ⵙ ⵍⵄⴰⵕⴰⴹⴰ ⵏⴽ
ⴰⵔ ⵉⵙⵉⴳⴳⵉⵍ ⴰⴽⴽⵯⵏ ⵉⵣⵣⵏⵣ ⵉⵛⵛ ⴰⵜⵉⴳ ⵏⴽ
ⴰⴽⴽⵯⵏⵉⵏⵏ ⵓⵚⵚⵓⵃ ⴰ ⵡⴰⵍⵍⵉ ⵓⵔ ⵉⵍⵉⵏ ⵍⵄⴰⵇⵍ
ⵢⴰⵏ ⴷⴰⵃ ⵉⴳⴰⵏ ⴰⵔⴳⴰⵣ ⵉⵟⵟⴼ ⵍⵄⴰⵕⴰⴹⴰ ⵏⵙ
ⵉⵃ ⵜⵉⴷ ⵉⵇⵇⴰⵏ ⴰⴷⴷⴰⵃ ⵉⵙⵖ ⴰⵢⵢⵉⵙ ⵎⵥⵥⵉⵏ
ⴰⴷ ⵓⵔ ⵜⵜⵕⵊⵓⵏ ⵜⴰⵎⵓⵏⵜ ⵏ ⴳⴰⵕ ⵉⴷⴰⵎⵎⵏ
ⵉⵃ ⴰⵜ ⵜⵙⵙⵎⵖⵓⵔⵜ ⵏⵜⵜⴰ ⵉⵙ ⴰⴽ ⵙⵣⵎⵣⵉⵢⵢⵏ
ⵡⴰⵍⴰⵢⵏⵏⵉ ⴰⵡⴷⴷⵉ ⵍⴰⵚⵍ ⵓⵔ ⵉⵍⵍⵉ ⵎⴰⵜⵜ ⵉⵙⵉⴳⴳⵉⵍⵏ
ⴰ ⵎⵏⵛⴽⴽ ⴰ ⵉⵎⵎⴰⵇⵇⴰⵕ ⵖⴰⵙⵙⴰ ⵉⴼⵉⵙ ⵃ ⵜⴰⴳⴰⵏⵜ
ⴰⵔⵜ ⵉⵙⵙⵉⵡⵉⴷ ⴰⵔⴷ ⴰⴽⴽ ⵉⵛⵛ ⵖⴰⵢⵍⵍⵉ ⴷⴰⵔⵙ
ⵉⴽⵛⵎ ⴷ ⴽⵔⴰ ⵏ ⵉⴼⵕⵉ ⴼⵍⵏⵜ ⴰⵔ ⵜⵜⵓⵀⴰⵎⵏ
ⵉⵅⵯⵍⴰ ⵢⴰⵏ ⵉⵕⴰⵏ ⵜⴰⵎⵓⵏⵜ ⵏ ⵙⵙⵄⵜ ⴰⴷ ⵏⵃ
ⵉⵃ ⵓⵔ ⵉⵟⵟⴰⴼ ⵍⴼⵍⵓⵙ ⵉⵚⵃⵓ ⵡⴰⴼⵓⴷ ⵏⵙ
ⵉⴽⵛⵎ ⵜⵉⴳⵎⵎⵉ ⵏⵙ ⵉⵇⵇⵏⵄ ⵙ ⴰⵢⵏⵏⴰ ⴷⴰⵔⵙ
ⵉⴽⵛⵎ ⵜⵉⴳⵎⵎⵉ ⵏⵙ ⵉⵇⵇⵏⵄ ⵙ ⵖⴰⵢⵏⵏⵉ ⴷⴰⵔⵙ
ⵉⵡⴰ ⴰⵛⴽⵓⵏ ⵣⵎⴰⵏ ⵏ ⵜⴼⵕⵅⵉⵏ ⵏ ⵙⵙⵄⵜⴰⴷ ⵏⵃ
ⴰ ⵢⴰⵏ ⵃ ⵉⵍⵍⴰ ⵓⵍ ⵏⵙ ⵓⵔ ⵉⵇⴱⵍ ⵛⵛⵓⵕⵓⴹ ⵏⵙ
ⵉⵡⴰ ⴰⵡⵔ ⵉⵄⵓⵡⵍ ⴼ ⵓⵄⵔⵉⵛ ⴰⵜⵜ ⴱⴷⴷⴰ ⴳⴰⴱⵍⵏ
ⵖⴰⵕ ⴰⴷⴷ ⵉⴼⴰⵇ ⵉⴼⴼⵖ ⵍⵙⵉⵏⵜ ⴰⵊⵍⵍⴰⴱⵉ ⵏⵙ
ⵢⵉⵣⵡⵓⵔ ⴰⵙⵏⵜ ⴰⵔ ⵏⵉⵜ ⵉⵙⵜⴰⵔⴰ ⵍⵎⴷⵉⵏⵜ
ⵉⴳⴷ ⵍⴼⵓⵟⴰ ⴼ ⵓⵎⴳⵕⴹ ⵢⴰⵙⵉ ⵜⴰⵣⵣⴰⵏⵜ
ⵉⴳ ⵕⴹⴰⵄⴰ ⵃ ⵍⵊⵉⴱ ⵍⴽBⵓⴹ ⵏⵙ
ⵉⵃⴰ ⵜⴰⵍⵍⴰ ⴰⴷ ⴰⵙ ⵏⵉⵜ ⵉⵙⵙⵏⵓ ⵍⵃⵍⵉⴱ ⵏⵙ
ⵉⵃ ⴰⵙ ⵉⵏⵏⴰ ⵙⴻⵏⴼⵓ ⵉⵢⵢⵉⵏ ⵖⴰⵕ ⵃ ⵜⴰⵣⵣⴰⵏⵜ
ⵜⵏⵏⴰ ⵢⴰⵙ ⵏⴽⴽⵉ ⵙⵙⵅⴼⴰ ⴰ ⴳⵉⴳⵉ ⵉⵖⵓⴼ ⵍⵇⵍⴱ ⵉⵏⵓ
ⵉⵙ ⴽⴰ ⵜⴽⵚⵓⴹ ⴰⵢⵙ ⵉⴽⵕⴼⵚ ⵓⵊⵍⵍⴰⴱⵉ ⵏⵙ
ⴰⵃ ⵉⴳⵍⵍⵉⵏ ⵓⵔⵜⴰ ⵊⵊⵓ ⵉⴼⴰⵇ ⵉ ⵟⵟⵏⵥ ⵏⵙ
ⵓⴳⴳⴰⵔ ⵓⴽⴰⵏ ⴰ ⵉⴳⴰⵏ ⵉⵢ ⵉⴼⵕⵅⴰⵏ ⴰⴷ ⵏⵃ
ⵓⵔⴰⴷ ⵜⵄⵣⵍⵜ ⴰⵕⴳⴰⵣ ⵉⵃ ⵎⵓⵏⵏ ⴷ ⵜⵎⵖⴰⵕⵜ
ⴰ ⴽⵓⵍⵛⵉ ⴱⴱⵉⵏ ⴰⵣⵣⴰⵔ ⴳⵉⵏ ⵏⵏ ⴽⵓⵍⵍⵓ ⵜⴰⵥⵓⵍⵟ
ⵙⵔⵡⴰⵍ ⵟⵡⵉⵍ ⵉⵃⵜ ⵍⵙⴰⵏ ⵣⵓⴷ ⵜⴰⵣⵣⵏⴱⵉⵍⵜ
ⵙⵓⵍ ⴰⵔ ⵙⵔⵙ ⵜⵜⴳⴰⵡⴰⵔⵏ ⵏⵜⵜⴰⵏ ⴷ ⵍⵡⴰⵍⵉⴷⴰⵢⵏ
ⵉⵃ ⵔⴰⴷ ⵛⵛⵉⵏ ⵉⵎⵏⵙⵉ ⵣⵣⵍⵏ ⴰⵙ ⵉⴹⴰⵔⵔⵏ
ⵓⵔ ⵢⵓⴼⴰ ⴰⵜⵜⵏⴷ ⵉⵙⵎⵓⵏ ⴰⵛⴽⵓ ⵍⵍⵉⵃ ⵉⵣⵉⵢⵢⵔ
ⵎⴰ ⵉⴳⴰⵏ ⵣⵉⵏ ⵓⵡⵔⴳⴰⵣ ⴰⵊⵍⵍⴰⴱⵉ ⵏⵙ
ⴰ ⵉⴳⴰⵏ ⵣⵉⵏ ⵏ ⵜⵎⵖⴰⵕⵜ ⵍⵄⴰⵕⴰⴹⴰ ⵏⵙ
ⵉⵃ ⵜⵍⵙⴰ ⴰⵎⵍⵃⴰⴼ ⵏⵜⵜⴰⵏ ⴷ ⵏⵏⴳⴳⴰⴱ ⵏⵙ
ⵉⴽⴽⵙ ⴰⵙ ⴰⵚⵎⵎⵉⴷ ⵙⵓⵍ ⵉⵙⵜⵔ ⵍⵄⵢⵓⴱ ⵏⵙ
ⴰⴽⴽⵯⵏⵉⴷ ⵉⵔⴰⵔ ⵕⴱⴱⵉ ⴰⵢⴰ ⵓⵔ ⵉⵍⵉⵏ ⵍⵄⴰⵇⵍ
ⵉⵎⵎⴰ ⴷⵓⵏⵉⵜ ⵉⵅⵯⵍⴰ ⵢⴰⵏ ⴳⵉⵙ ⵉⵙⵉⴳⴳⵉⵍⵏ
ⵍⵃⵢⴰ ⵉⵎⵎⵓⵜ ⵓⵍⴰ ⵍⵓⵇⵕ ⵉⴽⵎⵎⵍ ⴳⵉⵏⵃ
ⵎⴰⴽⴽ ⵙⵓⵍ ⵉⵕⴰⵏ ⴰ ⵉⵎⵓⵔⵉⴳ ⴰⵙⵙⵔⴽ ⵉⴳⴳⵉⵡⵕ
ⴽⵓⵍⵛⵉ ⵡⵉⵍⵍⵉ ⵙⵙⵏⵃ ⵓⵔ ⴰⴷ ⵙⵓⵍ ⵜⵜⵎⵉⴳⴳⵉⵔⵏ
ⴰⵇⵚⵉⴷ ⴰⴷ ⵉⴽⵎⵎⵍ ⵉⵙ ⵉⴹⵀⵕ ⵍⵃⵙⴰⴱ ⵏⵙ
ⴰⵏⵥⵕ ⵡⴰⵢⵢⴰⴹ ⴰⴷⴷⴰⵃ ⵏⵣⵣⴳⴰ ⵍⵃⵙⴰⴱ ⵏⵙ
ⴰⵛⴽⵓ ⴷⵓⵏⵉⵜ ⵏⵙⵜⴰⵔⴰⵜⵜ ⴽⵓⵍⵍⵓ ⵙ ⵍⵄⴰⵇⵍ
ⴽⵓⵍⵍ ⵎⴰⴷ ⵓⵔ ⵉⴽⴽⵉ ⵓⴹⴰⵕ ⵉⵙⵜⴰⵔⴰⵜ ⵍⵄⴰⵇⵍ
ⵓⵔ ⴳⵉⵙ ⵉⵀⵏⵏⴰ ⴱⵍⴰ ⵍⵎⵙⴽⵉⵏ ⵓⵔ ⵉⵣⴰⵃⵎ
ⵉⵃ ⴽⴰ ⵉⵟⵟⴰⴼ ⵉⵎⵏⵙⵉ ⵏⵙ ⵉⵇⵇⵏⵄ ⵉⴳⴳⴰⵡⵕ
ⵉⴼⴽⴰⵢⴰⵙ ⵕⴱⴱⵉ ⵚⴱⵔ ⵇⵇⵏⵄⵏ ⵓⵔⴰ ⵜⵜⴰⵣⵣⴰⵍⵏ
ⵉⵃ ⵓⵔ ⵉⵟⵟⴰⴼ ⵍⴽⵙⵓⵜ ⵉⴳⵏⵓ ⵜⵉⵍⵍⵉ ⴷⴰⵔⵙ
ⵉⵃ ⵓⵔ ⵓⴼⴰⵏ ⴰⵖⵔⵓⵎ ⵉⵙⵙⵏⵓ ⵜⴰⵙⵏⴳⴰⵔⵜ
ⵉⴷⵔⵓ ⵜⵏⵜ ⵏⵜⵜⴰ ⴷ ⵡⴰⵔⵔⴰⵡ ⴷ ⵍⵡⴰⵍⵉⴷⴰⵢⵏ
ⵓⴼⵏ ⵡⴰⵍⵍⵉ ⴷⴰⵔ ⵍⴼⵍⵓⵙ ⵉⵅⵡⵓ ⵜⴰⵎⴰⵣⵉⵔⵜ
ⵡⴰⵅⵅⴰ ⵛⵜⵜⴰⵏ ⵉⵣⴰⵎⵎⴰⵔⵏ ⵉⵏⵏⴰ ⵃ ⵉⴳⴳⴰⵡⵕ
ⵍⴰⵃⵇⵓⵇ ⵓⵡⴰⵔⵔⴰⵡ ⵏⵜⵜⴰⵏ ⴷ ⵍⵡⴰⵍⵉⴷⴰⵢⵏ
ⵡⴰⵅⵅⴰ ⵜⵉⵏⵏ ⴰⴳⴳⵓⴳⵏ ⵍⵍⴰⵏ ⴼ ⵓⵎⴳⴳⵔⴹ ⵏⵙ
ⵢⴰⵏ ⴷⴰⵔ ⴽⵔⴰ ⵡⴰⵔⵔⴰⵡ ⵉⴼⵍⵜ ⵉⵃ ⵎⵣⵣⵉⵏ
ⴰⵔⵜⵉⴷ ⵜⵜⵔⴱⵓ ⵉⵏⵏⴰⵙ ⴳⴰⵔ ⵜⵜⵔⴱⵉⵜ
ⴰⵔ ⴽⵉⵃ ⵓⴽⴰⵏ ⵉⵚⵍⵃ ⵢⵉⴹⵏⵉ ⵡⴰⴼⵓⴷ ⵏⵙ
ⴰⵔ ⴰⵙ ⵏⵉⵜ ⵜⵜⵎⴰⵖⵏ ⴷ ⴽⵓⵍⵍ ⵎⴰⴷⴷ ⵏⵉⵜ ⵎⵎⴰⴳⴳⴰⵔⵏ
ⵉⵃ ⴰⵙ ⵉⵏⵏⴰ ⴱⴰⴱⴰⵙ ⴰ ⵉⵡⵉ ⵖⵉⴽⴰⴷ ⵉⵄⵉⴱ ⴰⵡⵏ
ⴰⵔ ⴰⵙ ⵉⵜⵜⵉⵏⵉ ⴱⴰⴱⴰ ⵓⵔ ⵉⵟⵟⴰⴼ ⵍⵄⴰⵇⵍ
ⵉⵥⵥⵍ ⵓⴽⴰⵏ ⵉⴹⴰⵕⵕⵏ ⵉⵎⵉ ⵏ ⵜⴰⴽⴰⵜ ⵉⴳⴳⴰⵡⵕ
ⴰⵕ ⵉⵙⵉⴳⴳⵉⵍ ⵏⴽⴽⵉⵏ ⴰ ⴼⵍⵍⴰⵙ ⵜⵜⴰⵣⵣⴰⵍⵃ
ⵢⵓⴼ ⴰⵜⵜ ⴰⵡⵉⵃ ⴰⵜⵜ ⵎⴷⵉⵃ ⵉ ⵍⴽⴰⵔ ⵉⵎⴷⵉⵢ ⴰⵙ ⵏⵖⵉⵏⵜ
ⴰⵛⴽⵓ ⵍⴰⵙⵓⵔⴰⵏⵙ ⵉⵟⵟⴰⴼ ⵍⵎⴰⵍ ⵉⴳⴳⵓⵜⵏ
ⵢⵓⴼⵜⵏ ⵍⵀⴱⴰⵍ ⵉⵃ ⴽⴰ ⴳⵉⵙ ⵖⵯⵉⵃ ⴰⵜⵉⴳ ⵏⵙ
…
ⴰⴱⵓ ⵟⴱⵍⴰ ⵣⴰⵢⴷ ⵏⵏⵄⵏⴰⵄ ⵉ ⵡⴰⵜⴰⵢ ⴰⵜⵜ ⵉⵙⵓⵡ ⵢⴰⵏ ⵉⵥⵉⵍⵏ
ⵙⵉ ⵍⴽⵉⵙⴰⵏ ⴰⵃ ⵉⵄⴷⵍ ⴷ ⵜⴰⵍⴱⵔⴰⴷⵜ ⵎⵣⵣⵉⵏ
ⴳⴳⴰⵡⵔ ⴰⵏⵚⵃⴰⴱ ⵏⴽ
ⵉⵜⵜⵔⵙ ⵍⵍⵓⵣ ⵉⵙⵍⵉⵏ ⵓⴼⴼⵕⵏ ⵛⵛⵕⵓⴹ ⵏⵙ
ⵛⵓⵡⵕ ⴰⴷ ⵓⵔ ⵉⵣⴰⵃⵎ
ⴰⵔ ⴽⵉⵃ ⵓⴽⴰⵏ ⵉⵕⵣⵎ ⴼⴼⵉⵏⴷ ⵉⵎⵉⴽⴽ ⵎⴹⵉⵏⵜ
ⵉⵃ ⵉⴽⵕⵎ ⵙⵙⵕⵖⵉⵏⵜ
ⵡⴰⴽ ⵡⴰⴽ ⴰ ⵢⴰⵏ ⵉⵛⵡⴰⵏ ⵉⵣⴱⵓⴱ ⴰⴽ ⵍⵄⴰⵇⵍ
ⵉⵃⴰ ⵙⵓⵍ ⵜⵜⵅⵕⴱⴰⵇⵎ
ⵢⴰⵏⴽ ⵉⵃⵓⴱⴱⴰⵏ ⴰⵜⵜⵏ ⵓⴽⴰⵏ ⵓⵔ ⵜⵙⴱⴰⴷⴰⵍⵜ
ⵉⵃⴽ ⵉⴼⵍ ⴽⵔⵀⵓⵏⴽ
ⵔⴰⵜⵜ ⵙⵓⵍ ⵜⵜⵔⵊⵓⵜ ⴰⴽⴽⴰ ⵉⴱⵉⴷⴷ ⵎⵏⵉⴷ ⵏⴽ
ⵡⴰⵔ ⴰⵙ ⵜⵜⴱⵏⴷⴰⵇⵎ
ⴰⵔⵜⵏ ⵜⵜⵎⵏⵉⴷⵜ ⵉⵣⵡⴰⵔ ⴰⵙⵏ ⵓⵎⵃⵙⴰⴷ ⵏⴽ
ⴰⵕ ⵉⵙⴽⴰⵔ ⴹⵉⴷⴷ ⵏⴽ
ⵉⵣⵔⵉⵜ ⵍⵃⵓⴱ ⵉⴽⵛⵎⵜⵉⴷ ⵍⵖⴰⴹⴰⴱ ⵏⴽ
ⵍⵖⴷⵔⵜ ⵎⵎⵏⵄⴰⵏⵜ
ⴰⵃⴱⵉⴱ ⵉⵃ ⵓⵔ ⵉⵥⴹⴰⵔ ⴰ ⵉⵅⴰⵚⵎ ⴹⵉⴷ ⵏⴽ
ⴰⴷ ⵓⵔ ⵜⵏⵏⵉⵜ ⵜⵔⴱⵉⵜⵜ
ⴰⴽⴽⵯⵏ ⵓⵔ ⴰⵡⵉⵏ ⴰⵔ ⴽⵉⵃ ⵉⵕⵎⵉ ⵡⴰⴼⵓⴷ ⵏⴽ
ⵉⵖⵯⵉⴷ ⵡⴰⵢⵢⴰⴹ ⵎⵣⵣⵉⵏ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ :
Mohamed Ouadi
رايس سعيد اشتوك :
لاشياخ ؤلا لاوليا وين تمازيرت
لاشياخ ؤلا لاوليا وين تمازيرت
ايح ئعدل ربّي ئموريكً كًين اس لهيبت
ارد ايتّداوا ئموضان ح لقلب ئزيّن
اتّ ئكً ربّي د ؤسلال اتّ بدّا تسيكًّيلم
بيسم الله اياوقصيد غيكاد ئزيّن
اتّ داح ئنيح ئي ويلّي د غيد ئمّاكًّارن
اشكو ئلاّ مايس ئنّان ؤر اتّنضامن
غايلّي بدّا تّينين ؤر ات سبادالن
ؤرد ئس ؤكًيح افلان اوكان تّنضامح
انّيت نضمح اقصيد نزكًا لحساب نس
ياكُرت كرا لمسخوط ار كًيس تّخرباقّن
احّ اربّي يان ح ئلاّ لحوب ئكًابلتن
ؤر سار ئلي صّاحت ؤلا ئسمد لغرض نس
اشكو ئد باب نس ئهلكتن طّمع ئكًّوتن
اح ئكًلّين ابو نّيت ؤر اتّنجاحن
ار كا نتّخمّام نكّين ئي ئخف اد ئنو
ئلّيح سغيح اجداع ؤوفان شّروض نس
ئلّيح سغيح اجداع ؤفان شّروض نس
نسغاسن تاريكت ؤر ئلاّ شّوبوه نس
ارت نتّعلاف ارت نسّيريد نكًابلتن
نحملت ؤكان ؤلا نيكّ نعزّا دارس
ئلّيح زران ئمناين ئسّوكف تاكًوست
ئلّيح زران امناي ئسّوكف تاكًوست
suite post : • Запись
:يورا ئواليون ئسكًيدّيتّ
محمد وادي
Доступные форматы для скачивания:
Скачать видео mp4
-
Информация по загрузке: