قصيـدة فـارق التوقيـت .. منذر الفطيسي 2015
Автор: منذر الفطيسي
Загружено: 2014-12-27
Просмотров: 9725
جديد منذر الفطيسي
علـى التوقيت فارقنـي /.. وْوصـل ما فارق التوقيت
وصـل مع فـارق الإحسـاس ما بينـي وما بينـه
فرش وجهـه علـى روح الغيـاب وشفتـه ونشّيـت
ونشّـت كـل أحلامـي تصافـح مبسم يدينه
فـ عينـي دمعتـين أغـراب لاقن فـي حضــوره بيـت
خذاهـم دون ما أشعـر ../ حضنهم في وطـن عينـه
جلـس في كـل أجــواء المكـــان وسولـف وأصغيـت
ورتّـــل أغنيـــه من نظرتــين /.. وعـادت سنينـه
عســاك بخيــر ؟ لاا ماا نعْـم ، فاجئنــي وكــذا ردّيـت
ســؤال قديــم مـدري عن محطاتــه و عناوينــه
رفــع صوتــه بـ دفء الصمـت شفـت أنفاسـه وفزّيـت
ولـــوّح راســه و فاحـت أحاسيسي .. رياحينــه
وحدّثنــي / عن العــرس الحزيــن وقـال لـي : عانيـت
شـرح لـي كــل شرايــــين العـــذاب اللــي فــ شرايينــه
وحدّثتــه عن الباقـــي من أنفاســي وكـم هزيـت
مشاعــر شعر/.. تذبحــه الحروف اذا كتــب وينــه
بكيــت .. وطاحــت دموعــي على خدّينـــه ومشّيـت
دموعــي من علــى وجــهٍ يسيـل النـــور فــ جبينـه
حضنّـــا بعضنــا /.. خلف المذاهــب والأصـــل والصيــت
"زرع قلبــه علـى قلبـــي ، نبـــت طينــي على طينـــه"
علــى التوقيـــت عانقنــي وْرحــل مع فـــارق التوقيـت
رحــل مع فــارق الإحســاس ما بينــــي ومـا بينـه
Доступные форматы для скачивания:
Скачать видео mp4
-
Информация по загрузке:
