Ali Ali Mere Maula Ali Ali Madad Hai HEART TOUCHING NOHA [Adopt 2007]

Ali Ali Mere Maula Ali Ali Madad Hai Ali Ali Mere aqa ali ali madad hai
Nohakhwan : Abbas Ali Khan
Anjuman : sadaat-E-Barah (Jansath Disst-Muzaffarnagar)
Kalaam : Raza Sirsivi Sahab
Venue : Dargah Hazrat Abbas A.S
-----------------------------------------------------------------------------------------------
Ali ali mre maula ali ali mere aaqa madad hai

Hussain qafla kufe say sooay shaam chala.
Mehaar thaam kay oonton ki khud imaam chala.
Dilon may asgar shabeer ka payam chala.
Khuda ka deen badha mustafa ka naam chala.
Osool E mazhab o haq ki sada bhi saath gayi
Jaha jaha gaye karbala bhi saath gayi
(1)
Nikaltay ahlrharam bay naqaab bay chadar.
Pade thay dang bhare baal chero'on par.
Udhar thay nayzon pe jalwa fighan shaheedon ke sar.
Aur aage nayza E qhuli pe khud sar E sarwar.
Haram ki simt say nazr'on ko yun hata ta tha.
Kay waqfe waqfe se quraan padhta jaata tha.
(2)
Inhi balaaon me jari tha karbala ka safar.
Kay chalte chalte ruka taf wa tan sar E sarwar.
Phisal ke gard gaya neza zameen ke andar.
Nikaalte rahe zalim nikal saka na magar.
Laheen ho gaye tab dam shoor shai utha.
Hazaar chaha zami se magar na sar utha.
(3)
Utha kay durra badha shimr janib E beemar.
Bigard kay bola kyon aye mareez soogwar.
Zami se kyon nahi uthta sar E shahe abraar.
Utha na sar to bas ab tu hai aur durron kay waar.
Mareez ne rukh E be peer ki taraf dekha.
Tadap kay phir sar E shabber ki taraf dekha.
(4)
Sar E hussain pukara kay shimr E bad gauhar.
Sakina naqe se girr kar tadap rahi hai udhar.
Wo phir say hogi na jab tak sawar naqe par.
Na sar uthega mera aur na bardh sakega safar.
Chala na shimr ka bas rokna pada sabko.
Mareez imaam nay bardkar utara zainab ko.
(5)
Pukarti hui bacchi ko zainab E muztar.
Chali udhar ko sakina tadap rahi thi jidhar.
Kareeb pahuchi to dekha ajeeb ek manzar.
ke ek bibi kay zanu par hai sakina ka sar.
Wo bibi baithi hai rukh par niqaab daale huye.
Badan larazta magar dil ko hai sambhale huye.
(6)
Thapak rahi hai sakina ko looriyan dekar .
Kabhi hai bacchi ki janib kabhi falak par nazar.
Hain ashk aankon say jaari kay kull naqaab hai tar.
Tadap kay baith gayi paas zainab E muztar.
Kaha kay bacchi ko day dijiye mujhe bibi.
Bada karam kiya allah ajr day bibi.
(7)
Mera saath bure waqt may diya bibi
Nabi kay sadqe may allah ajr day bibi.
Bataiye to hain kya naam aapka bibi.
Kay ham namazon may karte rahe dua bibi.
Agar che rehmat E baghi say hamko yaad nahi.
Magar dua kay siwa kuch hamare paas nahi.
(8)
Yeh sun kay ahh bhari tharthara rahi bibi.
Yeh kehke kaapte haathon say jo naqaab ulti.
Main fatema hun teri dukhiya maa meri bacchi.
Main teray sabr kee wari padi bana bibi.
Magar khud bhi falak kee sataai hun zainab.
Main karbala say teray paas aayee hun zainab.
(9)
Main teray bhai kay laashe pay bain karti thi.
Kay ek bacchi kee fariyaad gooshe dil nay suni.
Aur iskay saath hi laashe hussain kaanp gayi.
Sada ye halq e buri daa se daf aa tan ubhri.
Ek aur taaza qayamat bapa hui amma.
Sakina dasht may naqe se girr gayi amma.
(10)
Main apne laal kee ye bekali na dekh saki.
Khuda pay laash ko chora idhar chali aayi.
Yaha main der say tayree hi rah takti thi
Sambhal bacchi ko zainab main karbala ko chali.
Akeli dasht may hai mere noor E ain kee laash.
Bula rahi hain mujhe bhee meray hussain kay paas.
(11)
Tadap kay zainab e muztar lipat gayi maa say.
Rawa tha ashkon ka sailaab chashme girya say.
Ye bain karti thi paiham lipat kay dama say.
Khuda kay waste amma na jaiye yaha say.
Bula raha hain mujhe tan mustaqil mera.
Rahegi aap to baihla rahega dil mera.
(12)
Tadap kay saiyyada boli na ro meree bacchi.
Tujhe main aise may tanha to chorti na kabhi.
Magar hussain kee maiyyat udhar akeli thi.
Sarhane baithi mai roti thi wa pe aayi ali.
Kisi ko rehmat o ye noor E ain kay paas.
Wo tere paas rahi main rahi hussain kay paas.
(13)
Ye lay sakina ko jaa sooay karwa zainab.
Abhi to baki hain kuch aur imteha zainab.
Abhi sako teri taqdeer may kaha zainab.
Abhi to manzile E zindaan darmiya hain zainab
Watan ko laut kay nahi jana sakina ko.
Jaha ki mitti hain wahee lay ja sakina ko.

#Growurnohay