شيلة 🥇🔥| عزوتي الاد سامر والزمن سلب ونهيبه | كلمات نواف بن جالي | اداء عبدالوالي العطاوي 👏🏻

كلمات : نواف بن جالي
اداء عبدالوالي العطاوي



بعد راح القيض والمرزم بعد قفى لهيبه
والعرب شافو لنور سهيل في الارض انعكاسي

قمت اميز فالمسافات البعيده والقريبه
قربو لي دلةً تطرد عن البال العماسي

ودي اعانق سماء الابداع لو ماهي غريبه
الغريب ان السماء معاد يوجد به كراسي

شاعرٍ ما اغني الا ف المواقيف الصعيبه
ما احرص على ظهوري فالمواضيع الطفاسي

مكتفي بمشاهد الساحه وحالتها الكئيبه
ليت فالتعليم يوضع للشعر منهج دراسي

صار وضع الشعر تال الوقت في حاله مريبه
كل يوم اشوف لي ناقد ماهو ناقد سياسي

مار وقت اللازم الي ماعنه صده وغيبه
حاضرٍ باسمي وشعري عاصبٍ للحفل راسي

في زواج الي عساء التوفيق دايم من نصيبه
والله اني لبدع الطاروق والقاف الحماسي

نايف الي فالنوايف دايماً يدوي قنيبه
مايلد العين يم القاع و دروب الفّلاسي

محزم الي من زمانه لاحقه ضيم وغليبه
ماهو حزامٍ ليا زاد الحمل جاه اللتباسي

اشهد انه سيف أملح للمهمات المنيبه
غارسٍ حب الحمايا في خلاياه انغراسي

بعدها يامرحبا ترحيب شامل بالضريبه
فالمقر الي يشادي حلّت القصر الرئاسي

محفل زحول الرجال الي مناسبهم عريبه
شجرة ال بداح و التاريخ وحده بالمقاسي

بأسم جالي راعي المدات والارياء الصليبه
مرحبا ترحيبةٍ مثل الذهب ماهي نحاسي

عيلمٍ من كثر ما تصرف يمينه كن جيبـه
وابلٍ همال وبله يحيي عروقٍ يبااسي

اسمه تسولف به العربان دايم وتحكيبه
في سباقات المراجل بآسمه الرقم القياسي

كم تقهوى من فناجيل وتصدى من مصيبه
من خلقه الله على ارض النعم بالوقفات راسي

مرحبا بآسمه وبسم الي لهم قدرٍ وهيبه
الحصون اللي تذري والشواهيق الرواسي

الحرار الي ب اساميهم يفكون النشيبه
روس قومٍ يفتلون الراي لايمكن تراسي

مقطع حقوق وقضاه وحكمة عقولن لبيبه
ماتغير لو سلوم الناس جاء فيها انتكاسي

المباخر قدمكم والعود الازرق عج طيبه
من يشوفه من بعيد يقول فالقصر اللتماسي

واشقر البن الهراري يدّرج وسط الربيبه
كيف روسٍ للنشاما مايقدم للخساسي

والكرامه فالصواني من عيال ام الجنيبه
قدركم والفعل هاذا عندنا شيٍ اساسي

لاغرابه واسمنا الي لا بغينا نعتزي به
ترجح كبار الفعول وتقصر طوال الحساسي

لاتعزوينا بسامر في المواقيف العصيبه
البيارق قدمنا ناطى عليها بالمداسي

الولد منا ليا حان اللقاء يسوى كتيبه
فعلنا فعلٍ حقيقي ما خذينااه اقتباسي

يومها بالسيف والشلفاء مضاربنا عطيبه
من سطاوتنا وضعنا للنعم حجر الاساسي

عزوتي الاد سامر والزمن سلب ونهيبه
كاسبين المجد عنوه ماكسبناه اختلاسي

السماري ركن ثابت يكفي انه من عتيبه
والعتيبي للفخر تاجٍ مفصل بـ المقااسي

ايه حنا عتيبه الي مجدنا جانا غصيبه
بالفعول الي مورخها الزمن لو كان قاسي

يكفي انا من خوال الي سكن في وسط طيبه
يدري الي مادرى و نذكر الي كان ناسسي