IHKBC 《國際新聞》中華民國嘅《第58屆金馬獎》頒獎典禮嘅最佳紀錄片(全段) 香港嘅周冠威導演憑着《時代革命》紀錄片獲獎

IHKBC 《國際新聞》香港周冠威導演嘅《時代革命》紀錄片繼今年七月時獲法國康城影展加插入週五特別埸並進行首映之後，同年在中華民國嘅《第58屆金馬獎》中獲得提名及榮獲最佳紀錄片獎項，根據大會公佈周冠威導演及團隊未能親身出席這個頒獎典禮，只是由大會播放出周冠威導演嘅自拍嘅得獎感言片段，以下係佢嘅得獎感言。

『多謝台灣。多謝金馬獎。《時代革命》最後片尾嘅Credit我寫住「香港人作品」，我好希望呢個作品係屬於每一個有良知、有公義，為香港流眼淚嘅香港人，特別我要多謝每一個喺呢個電影裏邊接受訪問同埋拍攝嘅所有人，其中一個，係一個16歲嘅中學生係一個勇武手足，佢理工大學，我同我一齊困咗好幾日，之後佢返到佢嘅中學，佢嘅身份已經比好多人知道。佢好戰戰兢兢咁入到班房，求其好驚但佢入到班房之後，每一個同學包括老師都向佢擁抱。成個班房都係眼淚，全個班房都係哭泣聲，我好想將呢個畫面放喺《時代革命》電影裏面！但係我唔能夠做到，但係我好希望《時代革命》都好似一份擁抱。我製作呢個電影嘅個人當中，我喊過好多次，我好多次都靠住呢個電影去，去自我安慰，去宣洩我嘅憤怒⋯⋯仇恨，去面對我嘅恐懼同埋創傷。仍然留喺香港嘅包括我，好多流氓海外嘅或者而家喺監獄裏面嘅朋友，縱使你哋未有機會睇到，但係我好希望，我祈求天父單單係呢個電影嘅存在都可以俾到一份一份嘅安慰，一份擁抱。多謝。』

周冠威在接受《華爾街日報》訪問時透露，他起初用一部手提攝錄機開始拍攝，並在抗爭現場曾經被水炮車的水射中和被橡膠子彈打過頭盔等等，又經常發惡夢，夢見自己被警察追捕和毆打。剪接此片嘅時候因經常要看現場拍攝嘅片段而流淚，有時更加哭泣得太厲害而需要停止剪接工作。

IHKBC人員同好多喺香港經歷悲慘嘅2019年時，都親身經在名個現場嘅前方奮鬥，好明白為何周冠威導演所講嘅，自我安慰、宣洩憤怒和仇恨，才能安慰存心中嘅恐懼同埋創傷嘅嗰種感覺。在此祝願所有擁有真正香港價值嘅香港人及其家人都早日能夠生活在各個有齊民主和自由嘅地方生活，一齊努力咁喺唔同嘅地方，唔同嘅崗位上面堅毅咁奮勇向前。大家嘅堅持他日定必能夠煲底相見。雖然現時大家分散咗喺各地，但係我哋都仍然能夠呼吸緊一樣嘅空氣及懷着相同嘅期盼努力面前。分散有時，相聚有時，悲傷有時，歡呼有時。

最後IHKBC 祝賀周冠威導演嘅《時代革命》紀錄片獲中華民國的《第58屆金馬獎》的最佳紀錄片。感謝他排除萬難堅持用自己的真名發佈及使用《時代革命》作為這紀錄片嘅影片名稱，而他能挺起胸堂咁做一位香港人並做了正確嘅事，記錄香港人嘅社會運動，為後世留下歷史片段，此舉為每一位真心為香港嘅香港人樹立了正面嘅榜樣，我哋作為香港人嘅一份子真心希望《時代革命》這套紀錄片能夠盡快能喺英國上映，在這我哋IHKBC希望可以提供協助早日可以在英國上映。

大家可以喺這個新聞片段嘅文字描述部份攞到我哋網站上面的節錄嘅《第58屆金馬獎》片段及官方嘅頒獎典禮節目的連結。記得訂閱及分享我哋嘅YouTube頻道和公司網頁。

國際香港人廣播有限公司
International Hong Kongese Broadcasting Corporation (IHKBC)
可能喺世上唯一以服務全球香港人為宗旨嘅廣播公司
https://www.ihkbc.co.uk/
[email protected]
HQ at White City, London
全世界香港人報料及爆料專用的email地址
[email protected]
IHKBC作為一個在英國的新聞機構必定會保障報料人的消息來源及私隱， 歡迎提供題材。