Жалған инвестициялық платформалар: алаяқтарға алданбау үшін не істеу керек?

ҚР Қаржы нарығын реттеу және дамыту агенттігі Сыртқы коммуникациялар басқармасының басшысы — баспасөз хатшысы Олжас Рамазанов жалған инвестициялық платформалардағы алаяқтыққа тап болмау жолдары жайлы баяндады:

"Жалған инвестициялық платформалар қалай әрекет етеді?
Алаяқтар танымал компаниялар мен банктердің сайттарын көшіріп, жалған беттер жасайды. Олар әлеуметтік желілерде белсенді жарнама жасап, сенімге кіруге тырысады.
Кейбіреуі жасанды пікірлер жариялайды, тіпті танымал адамдардың бейнесін жасау үшін нейрожелілерді қолданады. Негізгі мақсат – ақшаңызды алдау арқылы иемдену.

Жалған платформаны қалай тануға болады?
Назар аударыңыз: жарнама ресми аккаунттан емес, күмәнді парақшадан таратылады. Сілтеме банк сайтына емес, бөтен ресурсқа апарады.
Сізге «кепілдендірілген» табыс уәде етіледі, тез шешім қабылдауға асықтырады, қолданбаны AppStore немесе GooglePlay арқылы емес, сілтеме арқылы жүктеуді сұрайды – бұл алаяқтық белгілері.

Алаяқтардан өзіңізді қалай қорғауға болады?
Қаржы нарығын реттеу және дамыту агенттігінің сайтынан платформаның лицензиясын тексеріңіз.
Жарнамаға сене бермеңіз – ақпаратты компанияның ресми сайтынан іздеңіз.
Платформаны толық тексермей тұрып, ешқашан ақша немесе жеке деректер жібермеңіз."

#ҚНРДА #инфестициялықплатформалар #жалғанинвестициялықплатформалар #алаяқтық