Do姐《樓價有得估》添食 鄭衍峰Jarvis盼再合作拍旅遊節目

Do姐《樓價有得估》添食 鄭衍峰Jarvis盼再合作拍旅遊節目

由Do姐鄭裕玲、鄭衍峰及周奕瑋(Jarvis)主持嘅《樓價有得估》添食，開拍第二輯，呢日Do姐返到電視城進行錄影，呢日劉穎鏇、江嘉敏、何依婷及蔣家旻做嘉賓。

講到憑該節目有份入圍台慶頒獎禮「最受歡迎電視拍檔」，佢哋相當開心，鄭衍峰想與Do姐一齊拍旅遊節目，Do姐指只有合適題材，佢都會再返TVB拍攝，鄭衍峰即提議由Jarvis帶隊去旅行，Do姐即拍手嗌好，不過Jarvis笑指只想同Do姐出發，Do續道：「唔好咁衰，預埋佢，有人幫我哋攞吓嘢。」

鄭衍峰又指前幾年觀眾睇咗好多《Do姐去Shopping》，反而佢同Jarvis未跟過Do姐去旅行，Do姐亦有感3年幾未有外遊，讚呢個絕對係好提議，Jarvis讚：「Do姐對任何事都有獨特看法，表達出嚟嘅嘢就係一個好節目。」

對於重播Do姐同黃子華經典劇集《男親女愛》獲得觀眾喜愛，Do姐覺得好開心：「有啲年輕人未睇過，佢哋睇就係全新劇集，的確裡面嘅笑料同劇情感覺一啲都冇過時，多謝大家。」

此外，劉穎鏇、江嘉敏、何依婷及蔣家旻講到喺台慶頒獎禮均獲不同提名，劉穎鏇覺得對手太強，無論邊個拎到獎，佢都好戥得獎者開心，佢哋更極力支持喺《美麗戰場》飾演「反骨琪」嘅蔣嘉旻，而蔣嘉旻亦好有信心劉穎鏇、江嘉敏及何依婷入到「飛躍進步女藝員」五強。

#鄭裕玲 #鄭衍峰 #周奕瑋 #樓價有得估 #劉穎鏇 #江嘉敏 #何依婷 #蔣家旻 #樊亦敏 #陳浚霆
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0