جفران هضبان & عبدالرحمن غزاي - عرش الشعل لعتيبه الهيلا لابيع ولاسلام 2025 سمارات
Автор: شيلات الروقي
Загружено: 2024-12-19
Просмотров: 319141
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
/ u511a
سمارات : لرجل الاعمال حامد بن سعود بن سمار
الشعل ياهل الشعل شعلة نار
والبيرق اسمٍ ماعنه تجنيب
مايستوي له غير ابن سمار
الصارم اللي ماعليه صعيب
حنا عتيبة والكبار كبار
الاسم فارق والمقام مهيب
برقا وروق اسم يعز الدار
روس العرب مايرجعون عريب
يابعدنا للي يديه قصار
وياطيبنا للي يحب الطيب
عتبان والعتبان ساس أحرار
والذيب ماياكل ذراع الذيب
سلام يااهل الشعل والا لاسلام ولا كلام
السالم اللي ماينافسنا ولايفتح فمه
واللي يصرح بالسوالف والقصايد كل عام
يقلط عسى الله لايهينه واللجان اتحكمه
عرش الشعل لعتيبة الهيلا لابيع ولايسام
بافعالنا ماجا لنا فزعة ولاجا مكرمة
واللي يداحمنا على الاول وجايزة الامام
قله يجي ونكحل عيونه وعين معلمه
مانطرب الا للخشوم اللي مطيشها العرام
هذا هو الفوز الحقيقي والتنافس بطعمه
وسامة المغزل شقا اللي مايريعها اللجام
نارٍ تشب النار في وجه الليال المظلمة
يوم الزمان اللي مايفرق فالحلال من الحرام
يامن بنا اللي ضاقت الدار الوسيعة بنسمه
شهد لنا شليويح يوم الجو غاطيه العسام
في موقفٍ مافيه ماوية ولابه مرحمة
ياجعل روق اللي ذخرنا للجنان وللرحام
ادعوا عسى ربي يبيحه والله إنه يرحمه
وعتيبة الهيلا سنام المجد وشداد السنام
خذها على الذرعان مني واضحة ومقدمة
ماقدمنا غير المليك اللي رسم خط النظام
الله يطول في بقاه ويحفظه ويسلمه
من غير قاصر فالقبايل شام دولتنا ويام
كل يقول الزود عندي والثقة فيهم سمة
يالعاشق اللي من غرام الغيد طاويك الغرام
انا غرامي يوم اسوي في عتيبة ملحمة
قصيدٍ أمضا من شباة السيف قصاص العظام
وأشد من وقع النجوم الهاوية وقع اقلمه
مواجه الابطال ومواجه كبيرات المهام
يظهر حماس الشاعر اللي يطبخ فالجمجمة
ذولا ذوي سمار عالين المكانة والمقام
مفتاح بيبان الامور الكايدات المعدمة
كم حرروا من راس مطلوب تحت حد الحسام
من عقب ماصدر قراره من قضاة المحكمة
نيرة مجالسهم على طول السنة قبلة اكرام
يردم عليها لين تمسي طول ضلع المردمة
من كثر ماتركن امتونه للمهمات الجسام
مخصص له بيت لدروع الفخر والاوسمة
ياحاكم الشعل النوادر سوق شعلك للأمام
لو كان ودك ندحم طويق المسمى ندحمه
سمر نحور القوم باللي خدها فوق الغمام
من نسق سلطانة وسمارة ونسق محطمة
شعل تزوم وتطوي فجوج الفيافي طي خام
تبدل الشدات بين الزرفلة والدرهمة
تاخذ من أجنحة الحرار الشقر وارقاب النعام
يطفر زبدها مثل حذف الشمغ فوق مخيمه
مشارب من صنع ربي ماتحكم فالطعام
في شباط والا المربعانية ماتقدر تلزمه
هاذي مطيرة الخصوم وذي مطيرة المنام
وهاذي لاساقوها على الشوط الحماسي تلطمه
Доступные форматы для скачивания:
Скачать видео mp4
-
Информация по загрузке:
