Нарын райондук милициясындагы бөлүм башчы кармалды

Нарын РИИБдин Жол кыймылынын коопсуздугун камсыздоо бөлүмүнүн башчысы кармалды, деп билдирди УКМК.

Тактап айтканда 9-октябрда алдамчылыкка шектелген милициянын майору К.Н.Т. кармалды.

«К.Н.Т. кызматтык абалын пайдаланып, Нарын шаарынын тургуну А.Б.Н.нын акчасын ээлеп алгандыгы аныкталган.

Кармалган жаран соттун чечими менен 2 айга камакка алынды», - деп айтылат расмий маалыматта.