Chudakhai dangar Jatra-2021/ Tulunda / chudakhai dangar

ଏକାଦଶୀ ପୂର୍ବରୁ ଆଠ ଭାଇ ବତିଶ କନ୍ଧ ବା ଆଖ ପାଖ ଅଞ୍ଚଳର ସମସ୍ତ ସେବା କାରୀ ଓ ଭକ୍ତ ପରିବାର ଏକତ୍ରିତ ହୋଇ ସଂକଳ୍ପ ନିଅନ୍ତି ନିଷ୍ଠାର ସହିତ ଚୁଡାଖାଇ ଯାତ୍ରା ପାଳନ କରିବାପାଇଁ । ପୂଜା ଆରମ୍ଭ ହୋଇଥାଏ ଏକାଦଶୀ ତିଥି ଠାରୁ । ଏକାଦଶୀ ତିଥର ଦୁଇଟି ମୁଖ୍ୟ କାର୍ଯ୍ୟକ୍ରମ “ ଗୁଡିସମା” ଓ “ଛତରଫୁଟା” । ଝାଙ୍କର ସହିତ ସମସ୍ତ ସେବାକାରୀ ଭକ୍ତ ସ୍ନାନାଦି କାର୍ଯ୍ୟ ସମାପନ କରି ପ୍ରବେଶ କରନ୍ତି ମାଁ ଙ୍କ ମନ୍ଦିର କୁ ଏହାକୁ ଗୁଡିସମା କୁହାଯାଏ । “ ଗୁଡି” ଶବ୍ଦର ଅର୍ଥ ମନ୍ଦିର ଓ “ ସମା” ଶବ୍ଦର ଅର୍ଥ ପ୍ରବେଶ । ପରେ ପରେ ଛତର (ଏକ ପ୍ରକାରର ବିରାଟ ସୁସଜ୍ଜିତ ଛତା) ଙ୍କୁ ଉନ୍ମୋଚିତ କରାଯାଏ ଘଣ୍ଟ ଶଙ୍ଖ ହୁଲହୁଲି ଦ୍ବାରା ଓ ଚୁଡାଖାଇ ଯାତ୍ରା ଆରମ୍ଭର ସୂଚନା ଦିଆଯାଇଥାଏ ଏହି ପରମ୍ପରା କୁ “ ଛତରଫୁଟା” କୁହାଯାଏ । “ ଫୁଟା” ଶବ୍ଦର ଅର୍ଥ ଖୋଲି ଦବା।

ଦ୍ଵାଦଶୀ ତିଥରେ “ ମୁଠିପୂଜା” ଅନୁଷ୍ଠିତ ହୋଇଥାଏ । ଦେବାଦେବୀ ଙ୍କ ସାମନାରେ ମୁଠା ମୁଠା ଅରୁଆ ଚାଉଳ ରଖ୍ ପୂଜା କରାଯାଉଥିବାରୁ ଏହାକୁ ମୁଠିପୂଜା କୁହାଯାଏ । ତ୍ରିୟୋଦଶୀ ପୂଜାକୁ “ ନିଶି” କୁହାଯାଏ । ଏହା ସାଧାରଣତଃ ରାତିରେ ପାଳନ କରାଯାଏ । ରାତିରେ ପାଳନ କରାଯାଉଥିବାରୁ ଏହାକୁ ନିଶି ପୂଜା କୁହାଯାଏ । ନିଶିପୂଜାରେ କଖାରୁବଳି, ବନ୍ଦନାଘିନା,ମାଠିଆପୂଜା, ଅରୂଆପକା ଆଦି ପରମ୍ପରା ସମ୍ପନ୍ନ କରାଯାଇଥାଏ । ବନ୍ଦନା ଘିନା ଏକ ଅନନ୍ୟ ପରମ୍ପରା । ବରୁଆ ଶରୀରରେ ମାଁ ପ୍ରବେଶ କରିବା ପରେ ଗାଁ ଗାଁର ଘରକୁ ଘରବୁଲି ଗ୍ରାମବାସୀଙ୍କ ହାରି ଗୁହାରୀ ଓ ପୂଜା ଗ୍ରହଣ କରିଥାନ୍ତି । ଗ୍ରାମ ଭ୍ରମଣ ପରେ ଗାଁ କଠାରେ ନୂଆ ଅରୁଆ ଚାଉଳର ଖୁରି ଭୋଗ ଲାଗିଥାଏ ଏହାକୁ ଅରୁଆପକା କୁହାଯାଏ ।

ମୁଖ୍ୟପୂଜା ଚର୍ତୁଦଶୀ ତିଥରେ ଅନୁଷ୍ଠିତ ହୋଇଥାଏ । ଚୁଡାଖାଇ ଡଙ୍ଗର ଯାତ୍ରା ସହିତ ଜଡିତ କନ୍ଧ ସମାଜର ସମସ୍ତ ପରିବାର ବର୍ଗ ଚର୍ତୁଦଶୀ ତିଥ୍ୟରେ ଉପବାସ କରିଥାନ୍ତି । ତାଙ୍କୁ “ଉପାସିଆ” କୁହାଯାଏ । ଏହି ଦିନ ଉପାସିଆ ମାନଙ୍କ ଦ୍ବାରା ନିଶାନ ପୂଜା ଓ ଦିନ ଗୋଟାଏ ରେ ଦେବତା ଉଠା ପରମ୍ପରା ସମ୍ପନ୍ନ କରାଯାଏ । ଦେବତା ଉଠା ର ଅର୍ଥ ଦେବତା କୁ ଜାଗୃତ କରିବା । ବରୁଆ ଦେହରେ ପୁଣିଥରେ ଦେବୀ ପ୍ରବେଶ କରିଥାନ୍ତି ଓ ତାଙ୍କ ସାଙ୍ଗେ ଛତର ବାହାରି ପୁଣି ଥରେ ଗାଁ ସାରା ଘରକୁ ଘର ବୁଲି ବନ୍ଦନାଘିନା ପର୍ବ ଅନୁଷ୍ଠିତ ହୋଇଥାଏ । ସନ୍ଧ୍ୟା ସମୟରେ ବନ୍ଦନାଘନା ପରେ ସମସ୍ତେ ଗାଁର ଅନତି ଦୂରରେ, ଚୁଡ଼ାଖାଇ ପାହାଡ଼ର ପାଦଦେଶରେ ଥିବା ମୁଖିଆ ଖଲା ବା ମୁଖିଆ ଟାଙ୍ଗର ଠାରେ ଏକତ୍ରିତ ହୋଇଥାନ୍ତି ।






Now we are available in...

YouTube -   / @chudakhaidangar817  

FB page -   / chudakhaidangar  

Instagram -   / chudakhaidangar  


Let's connect with us


Thank you