5- إلى قاتلتي مع التحية 2012 - Dj DeViL

الأغنية الخامسة من ألبوم الـمؤامرة
إلـى قـاتلتي مـع الـتحية

كلمات الأغنية
[ الـمقطع الأول ]
دار حوار بيني وبين الإنـسان اللي
كل ما أطالع المنظرة ألاقيه موجود وينطرني
كـأنه يدري إن مالي غنى عنه بـوقت همي
لأني أحس إنه الـوحيد اللي قادر يفهمني
بـالحلوة والمرة وكل ما أخطي خطوة
الشخص الوحيد اللي ما يتغير علي إهوه
يعرف يقنعني ولا يفكر يستخدم القوة
والقوة في الإقناع ماهم صفات عيال آدم وحواء
على عكس الوايدين اللي حواليني منتشرين
كل يوم يمر لازم يكونون بـالإخلاص متنكرين
كـأنها حفلة تنكرية دامت وراح تدوم سنين
آملين بـوفاتي لـيحظوا بـرتبه الدافنين
لم أعرف قط صديقًا أخلص لي
كـقلمي الذي يكتب ما لساني يملي
وكـلساني الذي يقرأ ما تكتبه أناملي
ومسيرتي هي خير شاهد لي

[ الـكورس ]
وين ألقى اللي من همومي يريحني
شنو أسوي يخلي الناس ما تستغلني
واجهت الكل بـأبتسامه تميزني
إلى قاتلتي .. مع التحية
في قبري مدفون وخطاياي تعذبني
منخدع بـناس متمصلحة تخدعني
كثرما كنت طيب طيبتي راح تدفنني
إلى قاتلتي .. مع التحية

[ الـمقطع الـثاني ]
شيطاني وملاكي مواسيني في داري
يقولون لي طيبه قلبي في حياتي شي إجباري
ما أقدر استغني عنها .. اتخلص منها
وإنها راح تلازمني حتى بـالقبر أدفنها
أتمنى أعرف شنو وضعي لو ما كنت أنا المغني
هل راح ألقى ناس تحاول جاهدة إنها تسمعني
للـعن أبوها من هواية اللي خلتني على كل شي ندمان
بس الندم ماله معنى وقت الانسان يرتبط بـالادمان
فتحت كتاب قلبي وقريت كل صفحة موجودة
ولقيت الكلمة الوحيدة اللي انعادت بـقصص معدودة
إهي إني طيب وياخوفي من الطيبه
اللي صارت في حياة ديجي ديفل نقطة سودة تعيبه
أرجع أشوف وأقارن بين ديفل وبدر
ألقى ديفل يضحك على بدر اللي قاعد يحتظر
حتى إنت يا ديفل تنكرت بـالإخلاص
وتغدر بـاللي كان السبب ورا شهرتك بين الناس

[ الـكورس ]
وين ألقى اللي من همومي يريحني
شنو أسوي يخلي الناس ما تستغلني
واجهت الكل بـأبتسامه تميزني
إلى قاتلتي .. مع التحية
في قبري مدفون وخطاياي تعذبني
منخدع بـناس متمصلحة تخدعني
كثرما كنت طيب طيبتي راح تدفنني
إلى قاتلتي .. مع التحية

[ الـمقطع الـثالث ]
قلوب أصدقائي من الطيبة تفتقر
والإشاعة عن بدر حميد بـسرعه البرق تنتشر
لكن لو أوضح كل ما يدور ورا الكواليس
راح تعرفون إنها محاولات فاشله في التدنيس
أرجع لي ورا وأول مافي بالي خطر
إني مهما غلطت عليها ولكني أحبج يا قطر
كل بصمة سودة في حياتي سببها إنت
يا ديجي ديفل كنت وللحين ما زلت
نفس الكابوس اللي في كل ليلة يزورني
طوفة غرفتي الوحيدة اللي قاعدة تشوفني
تدري إني متعذب منك ومن اسمك
ومن كل لحظة قضيتها وأنا مجبور أخضعلك
ضميري يـأنبني وخليتني أرفس تـأنيبه
لأنك شيطان من الصعب تـأديبه
تستانس وتفتخر كل ما زادوا جمهورك
لكن لو أنهي قصتك شنو بـيكون شعورك

[ الـكورس ]
وين ألقى اللي من همومي يريحني
شنو أسوي يخلي الناس ما تستغلني
واجهت الكل بـأبتسامه تميزني
إلى قاتلتي .. مع التحية
في قبري مدفون وخطاياي تعذبني
منخدع بـناس متمصلحة تخدعني
كثرما كنت طيب طيبتي راح تدفنني
إلى قاتلتي .. مع التحية

للـتحميل
http://www.4shared.com/mp3/hmKnQgvv/5...
http://limelinx.com/files/b58df78cf59...

Twitter
@dj_devil_q8

Facebook
www.facebook.com/the.dj.devil