Almaxanım atasının saxlanılmasını təsdiq etdi – Şok detallar ortaya çıxdı!

Tanınmış nəğməkar şair və Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun əməkdaşı olan Vüqar Əhmədin saxlanılması xəbəri bu gün ictimaiyyət arasında ciddi narahatlıq yaradıb. Metbuat orqanlarında yayılan məlumatlara indi artıq ailə tərəfindən də təsdiq gəlmişdir.

Şairin qızı Almaxanım Əhmədli atasının saxlanılması ilə bağlı yayılan xəbərlərin həqiqət olduğunu tam şəkildə təsdiqləyib. O bildirib ki, ailə hadisədən çox ani şəkildə xəbər tutub və hazırda vəziyyətlə bağlı rəsmi məlumat gözləyirlər.

Almaxanım açıqlamasında deyib:

“Atamın saxlanıldığı xəbəri doğrudur. Biz bu məlumatı mətbuatla eyni vaxtda öyrəndik. Hazırda onun hansı səbəbdən saxlanıldığı barədə bizə heç bir rəsmi məlumat verilmir. Atamla əlaqə saxlamaq mümkün deyil, çünki telefonları bağlıdır. Hazırda gözləmə mövqeyindəyik.”

O əlavə edib ki, ailəyə yalnız yaxın saatlarda müəyyən məlumat verilə biləcəyi bildirilib:

“Bizə səbəblə bağlı heç bir açıqlama təqdim olunmayıb. Atamın hansı dövlət qurumu tərəfindən aparıldığı barədə dəqiq məlumat yoxdur. Yalnız gözləməyimiz tövsiyə olunub.”

Hadisə institut tərəfindən də təsdiqlənib. Ədəbiyyat İnstitutunun elmi katibi Aygün Bağırova bildirib ki, Vüqar Əhməd səhər saatlarında işə gələrkən saxlanılıb. Lakin institutun özünə də saxlanılmanın səbəbləri barədə geniş məlumat verilməyib.

Hazırda şairin saxlanılmasının səbəbi və prosesi ilə bağlı hər hansı rəsmi dövlət qurumu tərəfindən açıqlama verilməyib. Cəmiyyətdə isə hadisənin arxasında hansı səbəblərin dayandığı ilə bağlı müxtəlif suallar yaranıb.

Vüqar Əhmədin yaxın saatlarda sərbəst buraxılacağı barədə qeyri-rəsmi məlumatlar dolaşır, lakin hələ ki, bu xəbər təsdiqlənməyib.


#VüqarƏhməd #AlmaxanımƏhmədli #Saxlanılma #AzərbaycanXəbər #SonXəbər #Ədəbiyyatİnstitutu #Gündəm #Şair #Xəbərlər #Manset #Metbuat #Azərbaycan #BreakingNews #Ədəbiyyat #QızındanAçıqlama