Kənan Dalğa - Əzizim Şəhid
Автор: badeperest
Загружено: 2020-12-26
Просмотров: 1901
Fon Musiqi: Əli Əsgər Məmmədov (Qəlb Atəşi)
Əzizim Şəhid
Həyat tamam axarını dəyişib
Gün ayrı gün, gecə başqa gecədir.
Bəs şəhidin əzizləri nə çəkir,
Bəs şəhidin yaxınları necədir?!
Əziz oğlu şəhid gəlib evinə
Ev də var ki, şəhidi bir yox, iki
O ataya necə verim təsəlli?
Mən də sağam, qardaşım da halbuki.
Mən anamın necə sorum halını?
Sevincimiz neçə-neçə can alar.
Təbəssümün itiriblər əbədi,
"Oğul" deyib nalə çəkən analar.
Bu qız necə için-için ağlayır,
Qardaşını əvəz edir baş daşı.
"Qardaş" deyib ağladıqca bacılar,
Mən bacımın necə olum qardaşı?
Nişanlımla necə çıxım gəzməyə?
Bağışlamaz gözü dolan xanımlar.
Bizə baxıb arzulamaz şəhidin,
Nişanlısı şəhid olan xanımlar?
Necə yeyim bişirdiyi yeməkdən,
Yoldaşımın necə tutum əlindən?!
Kaş ərinin baş daşına baxanın
Həsrətini eşidəydik dilindən.
Mən oğlumu qucaqlaya bilmirəm,
Qızım, sənin necə baxım gözünə?
Bir şəhidin qızı baxır məzara,
"Ata" deyir, yaş süzülür üzünə.
Mən bu ömrü necə sürüm, İlahi?
Mən bu ömrü yaşadıqca ölərəm.
Kaş bir şəhid məzarından dura ki,
"Sən bura gir, mən gedirəm, gələrəm."
Kənan Dalğa
#kenandalğa #ezizimsehid
Доступные форматы для скачивания:
Скачать видео mp4
-
Информация по загрузке:
