معــوض خيــر ياللـي كـــل ماقالـو معـــوض خيـر
يمــر الخيـــر ويمـر العــوض ويـــروح ماشـافــــــه

معـوض خيــر ياشاعـر كتبــت وخانك التعبيـــــر
عجــز شعرك يعبـر عن شعـــــورك واعتــذر قافــــه

معوض خيـر لو انك تجيــد النضــم والتصويــــر
وتعــرف مفـــردات الشعـر وتـــعـنـا فـي اوصافـــــه

معـوض خيـــر فالرفـقــه وحلـمً حطـه التأخـيــــر
علــى رف الضـروف ومجريات الوقــت واجحـافـــه

مـعــوض خيـر لوبار الرفيــق اللــي تضنــه غيـــر
معــوض فـــي وفاك وطيـحتــك لرضاه وانصافـــه

معــوض لوجــروحــه ماشفاها الطـب والتخديــر
مـعــوض لا تحــســــف مانفـــع مثــلك تـــحسافـــه

دفــع همّـــام فاتـورة ثقـتـه وهـقـوتـــه فالـزيــر
ومات بحـدســيـــف اللـي يــضـنــه درع لكـتافــــه

معــوض خيـر ياراعـي الجمـيـل اللـي بذلتـه غير
بذلتـــه فالـرفيـــق اللــي نسا جـمــلـك ولاشافـــــه

مـعــوض خيـر لو وجــه الجحـود يـذكي التقديــر
وقلل مــــن جـمايـل راعــي الـوقـفـــه ومــيقـافــــه

مـعـوض فـي وفاك اللـي عـطيتـه نافـخيـن الكيــر
وبارو واكـــتـشـفــت ان الوفا فالعـشــره خرافــــه

اذا اسـرفـهـنـت فاخلاصـك تــرا مايـعتبــرتبذيـــر
خـذ وســام الـوفـاء اشــرف مـن تصناعـه وزيافـه

معوض في فراق اللي علـى بُعــدك يحــث السيــر
تــصـحيـه السنيـن ويــنــتـبـه لاخــانـه إســفــافـه

ويــدري بانــك اوفـــا مــن عـــرف وانك عليه كثير
الـــى خلـــوه مـــن صدقهـــم انهــم صارو احلافــه

معــوض خيــر في خـلً يجازي الوصــل بالتقصيـر
نكـــث عـهــد المحبــه بالخيانــه واسقــط اعـرافـه

يضـــن الحـب لعبـه تقبــل الــتـشــويه والتــزويــر
وعــود مــادرا ان اللـي يــحــبـــه مــن زمـن عافـه

مـعــوض خـيـر ياللــــي يوم قفا يكــره التـبــــريــر
يـمــوت الحــــر لاقـفـا قـبـل لا يــنــظـــر خــلافــه

مـعـوض فـي ليالـي عـمــرك اللـي روحــت تـقـزيــر
علــى درب العـمـوض تــدور ايــن الحـل وانـصَافــه

معوض خير فـي ذاك الطمـوح ان راح وانـت بخيـر
يجـي بعـد الطمــوح طمــوح واللــه ينــزل الطافــه

معـــوض فـي سهــر ليلك حـبيــس الهــم والتفكــير
بليـلً تلمـــع نــجــومـــه امــل ويــضــفـــك لحافـــه

قم انهض خــل نضــراتك سما واللـي يصيـر يصيــر
يمــوت الحــر مـن غيضــه ولايرجــع عــن اهدافـــه

ســق الخطــوة وعنزها علــى الله والدروب كـــثيــر
ومــوج البـحـر ماهـــو يـوصــل القاعـد على اطرافــ

معــوض خيـر فـي كـل الامــور وفالك التـيـسيـــــر
عــسا فــــالك بـــدايــت خيـر لـك مــن فاه لاكــافـــــه

#الشاعر_هيثم_السحاري
هيثم محيــــي