Ehrenerklärung der Wellbappn zum Maskenskandal (aufgenommen in der Stunde zwischen zwei Lockdowns)

www.wellbappn.de
Corona hot no net lang g´wütet – do hot ma d` G´sichter eingetütet
A jeda muaß a Maskn trogn – aa wenn sich Irre drüber beklogn
Weil bloß a Maskn no wos nützt – dass ma sich und andre schützt
Drum deckt ganz Deutschland sich jetz ei - und verhüllt sich, es muaß sei
Bei scheene Menschn geht oam sowos zu Herzen/ hollaradiri – hollaradi o
Bei de Schiachn do konn ma´s verschmerzn hollara diri di o

Doch oiwei mehr Leit trifft es schwar – und FFP2 Maskn san rar
aa beim Spahn san d`Lager leer – vui z´spat bstoit er, kriagt nix mehr
Dann - Altötting sei´s gedankt/ ward wundersame Hilf erlangt
von a Tandlerin mit FFP2 – d´Monika Hohlmeier huift aa dabei
Gottseidank gibt’s in Bayern Idealistn/ hollara diri hollara di o
selbstlose Soziale Christen/ hollara diri di o

Parteispezln wern aktiv – drahn am Spahn Maskn o ganz wief
mancher ruaft persönlich o - 14 Millionen Masken bstoit der Mo
Aa d` Huml in Bayern hot zuagstimmt – dass` 1 Million davo abnimmt
Für knapp 10 € deans oane verschnoizn – des is net billig, sondern gsoizn
Da Stefan Meier verleiht de Gschäftln Regierungs Weihen
der Staatssekretär für innere Gaunereien….

Millionen Maskn bringas so an Mann – bloß d`Bundeswehr, de beißt net an
Weil a Maske gleicher Qualität – 3 moi billiger hergeht
da Nüßlein Schorsch der is so frei– sacklt 6 hundert 60g-tausnd Euro ei
Und aa der Sauter hat di Ehre – kassiert für Verträge bei dera Affaire
Nach dem Beschiß beim Abkassiern mit Verwandte/holla – diridari-di, holl ..o
Is des a neie christsoziale Mutante/ holla-diridari-di a ho
Wer wird wohl die teuren Masken bezahlen/ holla diridari di holla diridario
Des überlegt seich – bis zu den nächsten Wahlen/ holladiridari di a ho