Сіз мектепте жыныстық сауат сабағы енгізілгенін қалар ма едіңіз?

Қыз баланың 13–17 жас аралығы — ең нәзік кезең.
Осы уақытта гормондық, психологиялық, әлеуметтік өзгеріс қатар жүреді.
Бірақ біздің білім жүйесінде оған арналған медициналық немесе жыныстық сауат сабағы жоқ.
Меніңше, жыныстық сауат — тек қыздарға емес, ұлдарға да керек. Әсіресе, қыздың “жоқ” дегенін қабылдауды үйрету керек. Кәмелет жасына толмаған қызбен, тіпті ол келісімін беріп тұрса да, жыныстық қарым-қатынас құрудың - қылмыс екенін көп жігіт білмейді.
“13 Ақиқат” кітабымдағы әр оқиғаның соңында мен қызыма хат жаздым. Қызымен сөйлесуге батылы жетпей жүрген, “неден, қалай бастаймын?” деп қиналған әр анаға кітабым көмек болады деп үміттенемін. Ананың бір ашық сөзі кейде қыздың тағдырын өзгертеді.