Yangiyo‘l tumanida noyob va qimmatbaho osyotr balig‘i yetishtirilmoqda

Yangiyo‘l tumanida yetishtirilayotgan osyotr baliqlari haqida "Nurafshon TV" telekanali maxsus ko‘rsatuv tayyorladi.

Qimmatbaho baliq turlaridan biri — sibir osyotrini mahalliylashtirish ishlari oson kechmadi. Uzoq vaqt izlanish va tajribalardan so‘ng, nihoyat, osyotr balig‘ini O‘zbekiston iqlimiga to‘liq moslashtirishga erishildi.

Ushbu baliqdan olinadigan qora ikra jahon bozorida qimmatbaho hisoblanadi, tansiq yegulik sifatida tanovul qilinadi.

Bir yil mobaynida mazkur baliq o'rta hisobda 15-20 santimetr o‘sadi. Sanitar baliq hisoblanadi. Ya’ni suvni tozalaydi, umuman olganda ijobiy ta’siri bor.

Yaqin yillarda osyotr balig‘ini yetishtirishni ommalashtirish baliqchilik sohasida yangi yo‘nalishga aylanishi kutilmoqda.