中聲3專輯｜張與辰合體各戰友畫面唯美 劉洋李金凱由CP玩到變父子
Автор: TVB 娛樂新聞台
Загружено: 2025-12-12
Просмотров: 8208
中聲3專輯｜張與辰合體各戰友畫面唯美 劉洋李金凱由CP玩到變父子
《中年好聲音3》嘅八位唱將包括 黃博、 張與辰、 劉洋、 李金凱、 王鄭浚仁RaxTeh、 趙浚承、 占士丁丁Dan James 同 陳芷盈Yanji Chan，會喺今個聖誕節推出專輯，呢日佢哋以紅紅綠綠嘅聖誕裝扮上陣拍攝COVER，不但充滿節日氣氛，而且唔同嘅組合配搭起嚟都一樣咁溫馨。
當中與辰就同個個都咁合拍，好似同黃博、趙浚承等合體畫面一樣唯美，成為中聲搞鬼CP嘅劉洋同李金凱一身紅白裝束好有新鮮感，而黃博同芷盈孖公仔合體都好親切。
與辰同黃博覺得八人難得聚頭影相，視為一個最好紀念，雖然今次係八人推出專輯，但佢哋更期未來有機會每人可以單獨推出專輯。講到嚟緊聖誕節，與辰就要同 古淖文German 到廣州開騷，好期待同當地粉絲見面。
金凱同劉洋呢對CP無論單人或合體拍攝時都一樣生動，尤其金凱更擺出多種姿態好投入氣氛，不過當佢同劉洋拍住上時，就不斷互窒場面搞笑，金凱話劉洋係飾演大頭兒子，但劉洋就抵死表示：「我點睇都似係你爸爸啦」。玩完一輪後，劉洋認真表示今次難得一齊出專輯，特別有意義，也是送給粉絲們最好的聖誕新年禮物。
王鄭浚仁同趙浚承之前嘅聖誕節都未必喺香港度過，加上今次可以趁佳節推出專輯，均認為係送俾自己同粉絲嘅最浪漫禮物。講到身上嘅一身紅紅綠綠衣著，趙浚承笑言綠色好難駕馭，幸好冇綠帽咋，相反王鄭則指紅綠都係佢鍾意嘅顏色冇難度。
占士丁丁同芷盈喺聖誕都各有各忙，喺呢段時間可以同咁多位好友合體特別興奮，盈同黃博由比賽後都好似孖公仔一樣，但早前因各自繁忙少咗見面，呢日碰面時兩人擺出多個可愛甫士，勾起佢哋相識回憶。
#中聲 #黃博 #張與辰 #劉洋 #李金凱 #王鄭浚仁 #趙浚承 #占士丁丁 #陳芷盈 #聖誕節 #專輯 #CP #廣州 #粉絲 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
Доступные форматы для скачивания:
Скачать видео mp4
-
Информация по загрузке:
