Нұрсұлтан Назарбаев «Нұр Отан» партиясы төрағалығынан кетті

Нұрсұлтан Назарбаев бүгін «Нұр Отан» партиясы төрағалығын Президент Қасым-Жомарт Тоқаевқа тапсыруға шешім қабылдады. Парламенттің қос палатасы мен Үкімет, жергілікті мәслихат депутаттарының басын қосып, партияның саяси кеңесін өткізген Елбасы "билік партиясын Президент басқаруы керек" деді. Осылайша, Нұрсұлтан Назарбаевтың бастамасымен 1999 жылы "Отан" партиясы болып құрылған "Нұротанның" төрағасы 22 жылдан кейін бірінші рет ауысып отыр. Бұл өзгерістен халықтың да күтері көп. Елордалық әріптесім Айбар Төлжанұлы дәл қазір бізбен байланыста. Айбар, кеш жарық. Партия төрағасының ауысу процесі "Нұр-Отанның" алдағы съезінде ғана аяқталатын сияқты ғой?
Әуелі Төрағалықты Қасым-Жомарт Тоқаевқа беру рәсімі болады. Елбасының баспасөз хатшысы Айдос Үкібай "Партия жарғысына сәйкес, оның төрағасын сайлау және қызметтен босату Nur Otan партиясы съезінің айрықша құзыретіне жатады. Оған дейін Нұрсұлтан Назарбаев партия төрағасы болып қала береді" деді.
Сондай-ақ, Цитата: "Нұрсұлтан Әбішұлы атқаратын қызметіне қарамастан, ұлтымыздың көшбасшысы - Елбасы, қазіргі заманның көрнекті саясаткері, әлемдік қоғамдастық мойындаған беделді тұлға болып қала беретінін түсіну керек. Қазіргі Қазақстанды құруға бастама болған, елге бар жанын берген және оған бүкіл өмірін арнаған адам әрқашан халық мүддесімен өмір сүретінін, ұлттың және бүкіл ел болашағы үшін күресетінін әркім түсінеді деп ойлаймын. Елбасының бұл ұстанымы өзгеріссіз қалады" деп жазды Айдос Үкібай. Айта кетейік, бұған дейін Нұрсұлтан Назарбаев Қазақстан халқы Ассамблеясы төрағалығын да "Президент басқаруы тиіс" деп, Қасым-Жомарт Тоқаевқа табыстаған еді. Бірақ, Нұрсұлтан Назарбаев Елбасы, ұлт көшбасшысы, Қауіпсіздік кеңесінің төрағасы болып қала береді.
НҰРСҰЛТАН НАЗАРБАЕВ, Елбасы:
– Егемен ел болып, экономиканы нығайтып, халықтың тұрмысын жақсарттық! Тәуелсіздіктің алғашқы жылдарында шаңырағымызды шайқатпай 100-ден астам этнос пен 40-тан астам конфессия өкілдері мекендейтін елімізде бірлік пенен келісімді сақтаудың маңызы зор болды.
Нұр Отан Партиясы төрағасының бірінші орынбасары Бауыржан Байбек: "Билеуші партияның Төрағасы лауазымын Қасым-Жомарт Кемелұлына тапсыру - бұл заңдылық, қазақстандық билік транзитіне толықтай сәйкес келетін шешім" деді. Қасым-Жомарт Тоқаев «Nur Otan» құрылғаннан бастап оның басы-қасында. Ұзақ уақыт партияның басқарушы және маңызды шешімдер қабылдаушы органы - Саяси Кеңес Бюросының мүшесі болып табылады. Екі мың он тоғызыншы жылы Президент лауазымына кандидат ретінде Қасым-Жомарт Кемелұлы осы НұрОтаннан ұсынылды. Соңғы парламент сайлауында партия Мемлекет басшысы өзі жария еткен сайлауалды бағдарламамен айқын жеңіске жетті. Сол берілген уәделерді орындау - билеуші партияның қазіргі уақыттағы басты міндеті" екенін жеткізді. Билік партиясындағы өзгерістен соң, халық та жаңа шешімдер күтеді.
Айта кетейік, 22 жылдан бері Қазақстан Парламентінің қос палатасындағы депутаттардың басым көпшілігі мен Үкіметтің басшысы, мүшелері Нұр отаннан сайланып келді. Облыс пен ауданның әкімдері де көбіне нұротандықтар. Қазір де билік басында нұротандықтар басым. Ал әзірге бұл шешімді бекітетін НұрОтан съезінің қашан өтетіні айтылған жоқ.





Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#НұрОтан #саясат #парламент #Президент #Елбасы #өкілеттілік