綜藝魂 嚟料｜TVB打造全新資訊綜藝節目 江美儀清潔老鼠屋 黎芷珊跟歌手走埠

綜藝魂 嚟料｜TVB打造全新資訊綜藝節目 江美儀清潔老鼠屋 黎芷珊跟歌手走埠

TVB 一直無間斷為巿民炮製精彩娛樂，未來將會推出一系列充滿話題同資訊性題材嘅綜藝節目，一眾節目主持呢日一齊亮相記者會宣傳，預告精彩內容。

江美儀 同 林子善 合作主持嘅節目《一個好人》會於3月18日登場，主要發掘社會上被忽略嘅人和事，美儀姐自稱東張女神上身，採訪為不同家庭做義工嘅熱心人。美儀姐喺節目中仲會親身去到寶藏屋進行清潔同滅蝨，又會下海執垃圾，佢話：「我一生人最怕就係老鼠，但點都要體驗吓，想知道幫人係點樣開始，節目對我嚟講係好大挑戰，真係上山下海乜都齊。」

主持訪談節目成名嘅 黎芷珊 ，繼主持《最佳男/女主角》後，會主持全新訪談節目《芷珊約您》，跟住樂壇舉足輕重嘅歌手們游走世界各地開騷，順便旅遊暢談人生。芷珊話雖然歌手嘅幕後生活令觀眾好感興趣，但拍攝時就充滿難度：「例如有啲歌手開騷前幾日係唔講嘢，對我來講做採訪好大挑戰，因為係訪談節目，但我會諗個方法令件事更有趣去完成。」

皇牌節目《中年好聲音2》將會喺3月24日進行直播總決賽，屆時新一屆中聲皇者將會誕生，而一班中二生就會集合拍攝《中年好聲音2紅白大戰》，再一次登上比拼舞台。古淖汶表示正積極備戰比賽及節目，顏米羔就話近排天氣驟變，要特別注重聲音同健康，而譚輝智近日則打敗仗病倒，幸好距離總決賽尚有一段日子，有充裕時間休息。

而一班聲夢家族都唔弱，將會合體炮製《聲夢1+2》，由 彭家賢 金永衡 劉詠彤 等拉大隊到澳門玩音樂競技遊戲，打造最強勢嘅年輕新勢力。此外， 洪永城 會夥拍 何沛珈 宋宛穎 魏韵芝 主持健康資訊節目《早D知早D醫》，佢哋都話主持節目從中學到好多最新嘅醫學資訊，可惜今日洪永城就因有事未能現身宣傳。

#江美儀 #林子善 #一個好人 #芷珊約您 #黎芷珊 #中年好聲音2 #中年好聲音2紅白大戰 #聲夢1+2 #彭家賢 #金永衡 #劉詠彤 #早D知早D醫 #洪永城 #何沛珈 #宋宛穎 #魏韵芝
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0