السوشيال ميديا بتتكلم والمواطن بيسأل والسيسي بيرد على أسباب غلاء الأسعار

السوشيال ميديا بتتكلم، والمواطن بيسأل من قلبه: "لحد إمتى هنفضل نعاني من غلاء الأسعار؟"، والسيسي بيرد بكل صراحة وشفافية زي ما المصريين اتعودوا منه دايمًا، قائد عمره ما خبّى كلمة ولا دارى على الحقيقة. الرئيس النهارده فتح الملف الكبير اللى الناس كلها بتتكلم عنه في البيوت والشوارع والسوشيال ميديا، ووضح للمصريين إن الدولة شايفة اللى بيحصل ومتابعة كل تفصيلة في حياة المواطن، وإن الغلاء مش من فراغ، لكنه نتيجة أزمات عالمية محدش في العالم قدر يتفاداها.

السيسي وضّح إن مصر بتواجه التحديات دي بإصرار وعزيمة، وإن الحكومة شغالة على حلول حقيقية مش مؤقتة، علشان الأسعار ترجع تستقر، والمواطن يحس فعلاً بالفرق. وكمان أكد إن البلد دي دفعت تمن غالي في حربها ضد الإرهاب، وإن الاقتصاد بيتعافى رغم كل الظروف، لأن مصر مش بتنهار.. مصر بتقوم أقوى كل مرة.

وقال كمان إن الغلاء مش أزمة مصر لوحدها، ده العالم كله بيتأثر — من أوروبا لأمريكا، حتى الدول الغنية نفسها بتعاني. لكن الفرق إن مصر عندها قيادة بتواجه الواقع مش بتتخبّى وراه. وده اللى خلى المواطن البسيط يحترم صراحة الرئيس وجرأته في طرح الحقائق، حتى لو كانت صعبة.