Escoria - Zartako X Boot Boys

ZARTAKO ETA BOOT BOYS-en ESCORIA abestia plataforma guztietan eskuragarri!

Badakigu ez garela besteak bezala, musika ez dela soilik musika dakigun moduan eta gure bandera laguntasuna zein bandera gorria direla argi daukagu ere. Escoria izenak ordezkatzen gaituela badakigu, are gehiago, harro gaude horretaz! Besteak izatera ausartu ez ziren escoria hori gara, faxismoa gelditzeko haien integritatea eta bizia arriskatu zutenak gara, gu eta zuek, ordezkaezinak, armada gorria Berlinen sartzen, Italian faxismoari aurre egin zioten iraultzaileak, Pariseko komunaren oinordekoak, Carlo Giulianiren azken hatsa, Brigada Gorriak bat kolpatzen eta ehun hezitzen, Txabiren poesiak, James Connollyri azken agurra. Guzti hori gara.
Garai ilunak datoz Europan, krisi kapitalista bat ate joka daukagu eta honen ondorioei aurre egiteko bilakaera autoritarioak ateak zabaltzen dizkio parez pare faxismoaren gorakadari. Faxismoari aurre egitea nahitaezkoa bada ere, gure ustetan ez da nahikoa izango. Inoiz baino beharrezkoagoa da bandera gorripean antolatzea eta berriro ere mamu batek Europa zeharkatu dezala basakeriariaren kontrako alternatiba bakarra eraikiz.
Horregatik guztiagatik grabatu dugu abesti hau Zartakok eta Boot Boysek. Urte guzti hauetan gugan erreinatzen duen klase borrokari musika jartzerako orduan modu batera edo bestera eredu izan diren hoiek omentzeko. Maitasunez eta umiltasunez beteriko proiektu honetan gure ondoan izan ditugu Bortitz eta Kera.
Txakur txikiek ez dutela kosk egiten? Amaitu dira garai hoiek , kabroiak!

ZARTAKO 🤜🏻🤛🏻BOOT BOYS