بلاعة السوشيال ميديا طفحت فى وش كهربا

بلاعة السوشيال ميديا طفحت فى وش كهربا

رسميا بلاعة السوشيال ميديا طفحت فى وش كهربا النهارده .. الخبر الاساسى اللى عايزين نتكلم عنه انه اتقال ان كهربا اتايد عليه الغرامه ال 2 مليون دولار وايقاف 6 شهور ولكن مش ده الخبر المهم ..
الخبر المهم اللى تقدر تتكلم عنه النهارده هو ردود الافعال من بيدجات الزمالك و قنوات كتيره من زملكاويه معروفين وصفحات كبيره فى الفيس بوك و السوشيال ميديا عامة .. شفنا النهارده كمية تريقه و بالبلدى كده ردح بسبب الخبر ده و الغرامه اللى اتايدت على كهربا النهارده ..
ولكن انا عايز اسال سؤال للناس اللى عماله تتكلم وتتريق دلوقتى على موضوع كهربا ايه رد فعلها لما عملت احتفالات وافراح بعد ما مشى عبد الله السعيد من الاهلى و مضى للزمالك و بعدين راح بيراميدز دلوقتى و دلوقتى هو عليه نفس الغرامه اللى على كهربا . مبتلاقيش اى رد فعل بس النهارده لقيت افراح وضحب كبير شماته فى محمود كهربا و شفنا ناس للاسف ليهم احترام فى الوسط الرياضى وناس طالعه تتريق وناس بتعمل نى نى ومش عارف ايه ..

بس انا عايز اتكلم فى حاجه تانيه خالص ايه الموضوع وليه اتفتح النهارده ورد الفعل اللى حصل من الصفحات و البيدجات بتاعت الزمالك بعد الكلام اللى اتقال من دكتور علاء صادق واللى قلب السوشيال ميدبا من امبارح و هجومه على قنوات اون سبورت واللى شفنا ان كل الاعلاميين اللى قناه اون اسبورت امبارح طالعين بث مباشر علشان كل واحد يتكلم ويقول نفس الكلام ان القناه بتاعتنا حياديه و محدش بيضغط عليا علشان اقول ايه و شوفنا فيديوهات كتير شوفنا شوبير ووليد صلاح الدين اتكلمت فى نفس المحتوى اللي اتوزع عليهم واتقالهم ياريت تردو نفس الرد ده وكان باين انهم كلهم طالعين كل واحد من فيلته او شقته فى اجازتهم علشان يطلعو يقولو نفس الكلام اللى اتقال ..

يا جماعه ياريت الناس اللى هيه ليها احترام وليها جمهور بيسمعها دلوقتى ياريت الناس دى تكون اكبر من شغل الاطفال ده و شغل مش اسلوب رجاله فى الكلام ياريت لو انت عندك جراءه وشجاعه تتكلم تطلع تتكلم عن الناس اللى موجوده عندك فى الزمالك اللى عملاه تهرب منك زى طارق حامد و الناس اللى عقودها بتخلص و بتهرب منك بس مبتجيش تتكلم على المشاكل اللى بتحصل فى نادى الزمالك .. كل حاجه بالنسبالك تبقى هجوم على الاهلى و تستغل الاعلام فى ده وبقاله كتير بيهاجم الاهلى ومفيش اى حيايده فى عرض المشاكل او انك تتكلم عن اشخاص بعينهم فى الزمالك يا ريت الناس دى تطلع تتكلم مهما كانت الشخصيات دى كل الاخبار اللى بتطلع عنهم متعلقه بالفساد انما غير كده الناس دى معندهاش اى شجاعه تتكلم ولا هيه موجوده اصلا ولا هتبقى موجوده