黃文慧專訪丨「梅超風」磨劍半生未獲獎 人到晚年只追尋：我想好死！唔好受痛受苦！(

//我本來是個天真爛漫的小姑娘，整天戲耍，父母當作心肝寶貝的愛憐，那時我的名字叫作梅若華。不幸父母相繼去世，我受着惡人的欺侮折磨，師傅黃藥師救我到了桃花島，教我學藝。給我改名叫梅超風。//——《射雕英雄傳》金庸

黃文慧（Bonnie)演活了一代作家查良鏞（金庸）筆下的梅超風，那時是1983年的無綫劇集，黃日華扮演郭靖，翁美玲扮演黃蓉，曾江扮演東邪黃藥師。黃文慧成就的經典角色，又豈止梅超風，還有《嚦咕嚦咕新年財》的腦退化媽媽、《盲探》的瘋外婆、《京華春夢》的三少奶、《大凶捕》遭親子弒殺的「垃圾婆」，16歲入行的她，大半生都奉獻給演戲，絕對是令人尊敬的老戲骨。

約了Bonnie姐做專訪，她早到了15分鐘，守時敬業！Bonnie姐跟梅超風有點似，在小姑娘的年紀，整天戲耍，是父母的心肝寶貝，因為不喜歡讀書，所以投考演員，改藝名黃文慧。那年16歲，還未讀完書就入行，「有冇留意而家啲新人，個個都係我嗰個年紀入行啦，學嘢最容易，呢個演藝圈要時間浸淫，係自己織造前途。」

未成年便入行，那時入世未深的她，遇過不少荆棘，只要有機會，就算被人搵笨都感恩，「譬如叫我做嘢，拍膊頭唔講報酬，我都好感恩，因為你睇中我，覺得我啱做，但做耐咗，每份工都需要有付出有收入，我哋咁辛苦入行，雖然未有名但都要生活，我畀你搵一次笨，第二次我都學精識開口，呢個就係經驗。你認為我值呢個錢，你畀我，我願意，大家開開心心，如果你認為我唔值呢個錢，可以唔搵我。」

從影多年，一生青春都付給娛樂圈，卻從未登上女主角之位，「如果唔恨，假嘅，我個人好坦率，梗係好想得到人認同，好似學校上堂升到班，你都有面目返去對屋企人對得起自己，我入行幾十年，我都希望人認可我，但角色先係反叛少女，跟住小三、不守婦道新抱、舞女，做埋雞，媽媽生都試過，做到個心離離哋，咁做落去，唔好話主角，好難有機會做正角，所以有段時間，我有少少覺得自己唔適合呢行。

#娛壹
-------------------------------------
即刻跟住Follow 晒我哋Channel：
FB：http://fb.me/as1hk.entertainment
IG：  / as1.entertainment  
YT：   / @as1.entertainment