بنات .. سكر نبات

رابط #soundcloud
  / glye9yrb2jtx  
نص: مي فتحي
آداء صوتي وفيديو وهندسة صوتية: زينب فرحات 🎙️ صوت الونس
**********************************************************
البنات اللي بيناموا قلبهم مكسور ، ويصحوا تاني يوم متفتفتين 100 حتة بس يقرروا ينسوا كل حاجة مع أول نسمة حياة خفيفة ...
البنات اللى بالنسبة لها أكبر الخيانات الخذلان
البنات اللى ما ابتذلوش معني الصمود و المقاوحة ، اللى لسّه بيعافروا بمعنى الكلمة بس مش عايشين الملحمية و شايفين إن ده العادي مع إنه مش عادي ...
البنات الغريبة ، الوحيدة ، السارحة ، واللى بتحب تتوه او بتحب تتّوه نفسها ..والبنات اللى بتأقلم نفسها على أى وضع ومرنة كفاية إنها تقدر تعيش فى المجتمع ده
البنات اللى لسّه ماخافوش من الشوارع بالرغم من العك الموجه ضدهم شخصيا .. والبنات اللى خافوا وبطلوا ينزلوا
البنات اللى مش مستنية حد ..بس لو جه الحد هاتلين مش هاتمنعه
والبنات اللى مستنية حد .. بس لما ييجي هاتصب كل غضبها عليه عشان جه بعد ما الإنتظار بقى ماسخ اوي .
البنات اللى مابيعرفوش يأذوا غير نفسهم ، ولما ييجوا ينتقموا مابيلاقوش في الحدوتة الا الطرف المتمثل فىهم فيعاقبوا نفسهم
البنات اللي لسّه عندها قدرة تغفر ، واللي مابيغفروش عشان مابقاش ينفع

البنات اللى بتطبطب على بعضها .. وتعيط لبعضها..ويعملوا من الحبة قبة عشان يفرّحوا بعض
البنات اللي بتعرف تقول كلام طيب
والبنات اللي بتقدر تعمل حاجات طيبة
البنات دي كلها ..لها مكان خاص فى الجنة
______________________________________________
#بنات #خواطر #زينب_فرحات #صوت_الونس #مشاعر #احساس #مشاعر_الانوثة