轉工必睇！三個新工極速適應法 + 四大地雷位。首一星期係關鍵。New job adaption.

適應一份新工，絕對不是一件簡單的事，由新工的返工路線，公司環境和文化、上司的風格，工作節奏，同事嘅人事關係等等，全部都是你會面對的挑戰。由你開始返新工，到 pat pat 開始坐暖，通常都要兩至三個月。可以用以下三個方法幫手極速適應新工。

1. 衣著打扮
第一天上班，情願 dress up 都唔好 dress down，早10至15分鐘起身，選一套樸素整潔的正裝，畀人感覺你係專業認真嘅人，所謂唔打得都睇得。

2. 熟習工作環境同公司文化
觀察下同事和上司之間的交流，睇下 drive 啲嘢，記下啲模板流程，了解公司的政策。最緊要其實係知道邊啲位好似中伏，邊啲人要小心。

3. 同同事打好關係
當上司介紹你給同事認識的時候，就要開始認下啲人，尤其要出力記著每個部門嘅大粒佬，同一部門和將來需合作的同事的名字和職位。

四大地雷位：

1. 太熱情
同事和朋友之間始終是有一條界線，雖然係新公司建立社交圈子好重要。不過喺未睇清楚對方性格之前，盡量唔好太過熱情，如果唔係可能會令人懷疑你無事獻殷勤。

2. 太有性格
啱啱入職，大家可能覺得樣樣嘢都好新鮮，或者會想表現自己，但一開始嗰陣時最好都係停一停諗一諗，唔好不要表達太多個人看法，因為每間公司都有既定的辦公程序，而且你唔知道入面辦公室政治嘅勢力如何。所以如果你睇到有啲嘢可以改善嘅話，可以先觀察，睇定啲之後再諗下點樣表達。

3. 第一天帶太多私人物品
公司始終都係做嘢嘅地方，雖然唔同嘅公司有唔同嘅文化，應先觀察其他同事桌上有多少私人物品，睇定啲之後先慢慢加個人物品。

4. 放工即走
坦白講，你初初返工，屁股都未坐暖，其實大家都明白未必會有太多事情要處理，所以準時收工冇問題。但禮貌上都唔好粒聲唔出就執嘢走。就算扮嘢都係咁話，到了放工時間，你又做曬所有工作，便可問下上司仲有冇嘢幫手，冇嘢你就走先。

簡單嚟講，要適應新公司，最緊要就係淡定有錢淨，慢慢觀察公司文化，同埋學德女傭咁，盡量融入，適應新公司。磨合一定會有唔舒服嘅地方，不過試用期就係比雙方了解嘅一個時間，唔一定係老闆揀你，你可以睇番到底分工同公司文化啱唔啱你。最重要是保持虛心開放的態度去觀察了解。