لادا نيفا 🇷🇺 | ارخص SUV من لادا بالتفاصيل الكامله مميزات و عيوب .

لادا نيفا 🇷🇺 | ارخص SUV من لادا بالتفاصيل الكامله مميزات و عيوب
من سلسله ارخص سيارات في مصر
   • ارخص سيارات في مصر  
نحب نبتدي ب اللهم صلي وسلم علي سيدنا محمد
❤️
لاحول ولا قوة الا بالله
لما شركه اتوفاز قررت تخرج من عبائه فيات وتصميماتها
قررت تنفذ اقوي عربيه انتاج روسي علي الاطلاق
وهي لادا نيفا
العربيه ال اتميزت بالقوة والصلابه وكانت بتنافس اساطير من نفس فئاتها زي جيب و غيرها من عربيات تانيه suv
وبسبب قوتها وكفائتها في الطرق الوعره اعتمدت بشكل سريع جدا وتم استخدامها في الجيش الروس
وخدت شعبيه كبيره في روسيا وكندا وامريكا الجنوبيه و الشرق الاوسط خاصه مصر ال بردو الجيش المصري بيستخدمها لحد النهارده كواحدة من اسطول سيارات الجيش
ودا بيدل علي مدي اعتماديه العربيه بشكل كبير ودا طبعا في حاله الاهتمام بصياناها الدوريه ومتابعتها
تم انتاج لادا نيفا سنه 1977 وكانت بتنزل من شركه اتوفاز بموديل رقم 2121 و للعلم الشركه مستمره في انتاجها لحد النهارده وبدأ انتاجها في مصر سنه 2008 في مصنع لادا في مدينه العاشر من رمضان
وزي م قلتلك انها كانت اول عربيه بأنتاج روسي من غير الرجوع لاي تصميم من تصميمات فيات ودا برغم ان اغلب الاجزاء الميكانيكيه استمرت باللانتاج الايطالي
الا ان الجسم الخارجي وتصميم القياده و الاجزاء الاماميه في نظام التعليق كانو من تصميم الخبرا الروس ....
لادا نيفا جت بمواصفات مختلفه ع حسب الموديل و السنه ال انتجت فيها
فبتيجي بطول من 3.7 إلى 4 متر تقريبًا.
وعرض من 1.6 ل 1.7 متر تقريبًا
وارتفاع: منن 1.4 ل 1.5 متر تقريبًا.
ووزن من 1000 ل 1200 ك تقريبا
وتانك بنزين بسعه ٤٥ لتر
ومعدل تسارع من صفر ل 100 في ١٤ او ٢٠ ثانيه ودا ع حسب الموديل .
النيفا من وقت انتاجها سنه 77 محصلش ليها تغييرات جوهريه في شكلها او في اي نظام ليها بشكل عام
غير تغييرات بسيطه جدا وتطور مع الوقت في الصناعه
خاصه الصناعه المصريه و ال تطابقت مع التطور الروسي
و ال طورت من قوة الجسم الخارجي و خلته معالج وغير قابل للصدأ واضافه تكييف لكنه ضعيف نسبيا وصدادات بلاستيك لحمايه الرفارف
والاهم من كل دا كان تطوير الموتور و ال كان بينزل بقوه 1600cc و 78 هورس باور و عزم 120 نيوتن
ل 1700 cc بقوه 84 هورس باور و عزم 137 نيوتن
وتغييرات تانيه في الفتيس ال كان ٤ سراعات وبقي ب ٥ سرعات .
والتغييرات دي حصلت بدايه من سنه 1993
عشان كدا المرجح و الافضل ليك لو هتشتري النيفا
انك تختار الموديلات ال من اول ٩٣
النيفا وزي م قلتلك ليها شعبيه كبيره لحد وقتنا دا في مصر واماكن تانيه كتير مع استمرار الطلب عليها سواء من المؤسسات اوالاشخاص ودا بيرجع لمميزات موجوده مع العربيه
اول ميزه فالعربيه موفره جدا للبنزين برغم حجمها بمعدل استهلاك من ٧ ل ٩ لتر لكل ١٠٠ ك
تاني ميزه قطع غيارها و ال تعتبر منتشره و رخيصه بشكل كبير ودا بيرجع لاستمراريه انتاجها
تالت ميزه صيانتها
صيانتها سهله ومش مكلفه بالمقارنه بعربيات كتير من نفس الفئه
رابع ميزه فالعربيه مناسبه جدا جدا للطرق الوعره ودا لانها في الاساس مصممه لكدا بنظام تعليق قوي جدا يستحمل ويناسب كل الطرق
خامس ميزه ودي الاهم خاصه للشباب
فالعربيه مع اضافه تعديلات ليها شكلها بيختلف تماما وبتتحول لعربيه بشكل هجومي وشبابي تحس كدا انك راكب جيب موديل حديث وهتديك نوع خاص من الكاريزما في اي مكان انت فيه
اما اخر ميزه سعرها و ال يعتبر قليل جدا ومقبول لناس كتير عاوزين عربيه اقتصاديه .او ال حابب يجيب عربيه ويعدلها .
رغم المميزات دي الي ان النيفا ليها عيوب منعت ناس كتير من اقتنائها .
اول عيب
فالعربيه ع الطرق العاديه ادائها غير مرضي وثباتها ضعيف ودا من بعد سرعه ٦٠ ك بسبب ارتفاعها عن الارض و البودي رول فيها سيئ جدا لكن الحل موجود و هو انك تعدل الجنط وتعرضه في الحاله دي هتدي اتزان كبير للعربيه .
تاني عيب
النيفا بتفتقد بشكل كبير للكماليات ووسائل الرفاهيه لكن طبعا قابله للتعديل وممكن بتغييرات فيها تخليها حاجه تانيه
تالت عيب ضعف الخامات و التقفيل في بعض الموديلات .
اخر عيب اعاده بيعها ودا برغم انتشارها في مصر بشكل كبير مع سعرها الرخيص الي انها بتواجه مشكله في اعاده بيعها ودا بسبب شكلها وتصميمها وباقي العيوب ال اتكلمنا عنها .
النيفا من رأيي الشخصي عربيه ممتازه جدا ودا بسبب مواصفاتها ال بتيجي مع سعرها الرخيص و ال بيديها قيمه مقابل سعر لكن لو هتجيب النيفا لازم تعديلات الجنوط عشان تبقي متزنه معاك عوالطرق السريعه
اما بقي لو انت شباب وبتدور ع عربيه شبابيه وجذابه ف انا برشحلك العربيه دي وبقوه لاني فعلا شفت موديلات معدله منها كانت فعلا مختلفه جدا في الشكل وهتديك نوع كدا من الشبحنه
دا كان فيديو لادا نيفا متنساش اللايك و السبسكرايب
سلام ي وحش
#فيات_127
   • لازم تشتري فيات 127 🇮🇹 |  شرح مفصل مواصفات...  
#فيات_128
   • فيات 128 🇮🇹 | الاكثر شعبيه وتحدي الزمن موا...  
#فيات_ريتمو
   • فيات ريتمو 🇮🇹 | تشتري ريتمو ولا فيات 128 F...  
#فيات_اونو
   • فيات 131 🇮🇹 |  احسن عربيه هتشتريها  _ ومتش...  
#فيات_ريجاتا
   • فيات ريجاتا 🇮🇹 | اول سياره مطوره لفيات بال...  
#شاهبن_دوجان
   • الشاهين و الدوجان 🇮🇹🇹🇷 |  افضل فيديو هتشوف...  
#بيجو504
   • بيجو 504 🇨🇵 | وحش البيجو الاكثر اعتماديه ب...  
#بيجو505
   • بيجو 505 🇨🇵 | الاهم في سلسه بيجو و موديلات...  
#فيات_تمبرا
   • فيات تمبرا 🇮🇹 |  رحله ممتعه بالرفاهيه للقي...  
#فيات_تيبو
   • فيات تيبو 🇮🇹 بسعر اقل من ١٠٠ الف والتفاصيل...  
#لادا2105
   • لادا 2105 🇷🇺 | مراجعه شامله مميزات وعيوب  
#لادا2107
   • لادا 2107 🇷🇺 |  مراجعه شامله مميزات وعيوب ...