Stop - Nëna me dy vajza në rrugë pas divorcit, burri dhe kunati i marrin shtepinë - 8 Dhjetor 2025

Një emision satiro-investigativ nga Saimir Kodra & Gentian Zenelaj. Çdo mbrëmje me fenomenet negative të këtij vendi, pa lënë mënjanë problemet dhe shqetësimet e qytetarëve. Emisioni ka si strukturë të tij probleme të ndryshme të qytetarëve, të cilët kërkojnë zgjidhje për problemet e tyre, si dhe tema sociale nga realiteti shqiptar. Në emision vend të veçantë zënë dhe kamerat e fshehta, ku impakti është i padiskutueshëm, në audiencë dhe tek organet përgjegjëse.

Kujtime Ramadani, tregon, se pas një martese 20-vjeçare, që nuk funksiononte më, vendosi të ndahej nga bashkëshorti i saj, Elton Ramadani. Ajo jetonte me të dhe dy vajzat në një apartament 60 m², në rrugën “Mihal Grameno” në Tiranë. Banesa ishte në emër të vjehrrit dhe vjehrrës, të cilët, para se të ndërronin jetë, e kishin lënë me testament për Eltonin dhe familjen e tij. Por situata mori një kthesë të dhimbshme. Eltoni vendosi ta dhuronte apartamentin tek vëllai i tij, Urim Ramadani, një manovër, për të nxjerrë jashtë shtëpisë Kujtimen dhe vajzat.Sipas avokatit Leonard Karaj, Eltoni shkoi edhe më tej, duke kërkuar një urdhër mbrojtjeje ndaj Kujtimes, që fillimisht u miratua në Shkallë të Parë, por më pas u rrëzua nga Apeli. Megjithatë, sipas palës së Kujtimes, Urim Ramadani e përdori këtë urdhër, edhe pse i pavlefshëm, për ta larguar sërish kunatën dhe mbesat nga banesa, duke vepruar padrejtësisht dhe duke i lënë tre gra në qiell të hapur.Motra e Urimit dhe Eltonit, Irma, deklaron, se prokura, që ajo dha, ishte, që apartamenti t’i kalonte Eltonit, Kujtimes dhe vajzave. Ajo tregon, se Kujtimja është kujdesur për prindërit e saj, sidomos për nënën, që ishte e sëmurë. Ajo dënon aktin e vëllezëve për ta nxjerrë në rrugë ish-kunatën dhe dy mbesat.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Stop #SaimirKodra #GentianZenelaj #TVKlan