Karaoke RAMIARAMILA - MAHALEO

RAMIARAMILA
#karaokegasy #gasykaraoke #tononkira
Tononkira - Paroles - Texte - Lyrics

Ialahy, ialahy dia tsy matory
Fa variana mieritreritra
Ialahy, ialahy dia mieritreritra
Tsy mety mahita tory a !

Ny lalana nodiaviny
efa lasa fiakarana
Ny lalana nodiaviny
tsy fidinana intsony

Ny omaly hitan’ialahy
Ny androany eritreretina
Ny androany hitan’ialahy
Ny ampitso eritreretina !

Ny lalana nodiaviny toa miakatra sy midina
Ny fiainana iainany manaraka an’iny a !

O Ramiaramila ô,
zay manana kaska tsara tarehy
Lohanao iny ô,
dia voasarona tsara

O Ramiaramila ô,
zay manana kaska tsara tarehy
Sainao iny ô,
tsy voasarona kosa

Toa manahirana fa mivezivezy
Ny fisainana ao anaty kaska

Tsy mahatombona ny fisainana
Fa mitady lalana ivoahana !

Rehefa misy rotaka (bis)
Mila hikorontana ny loha !
Tsy maintsy tanterahina
ny baiko miaramila
Ka miady saina satria ...

Any lavitra any e,
ny vady aman-janaka
Mivaralila ny ankizy
any an-tanana

Tsy misy mpiambina
ny ao an-tanana (bis)

O Ramiaramila ô, izay milanja basy tsara tarehy
Rehefa manana azy ô, dia manjary sahisahy
O Ramiaramila ô, izay milanja basy tsara tarehy
Iny basy iny ô, hitifiranao an’iza ?

Toa manahirana ny mandinika an’izany
Toa manahirana ny mamaly an’izany
Fa ny miaramila ho’aho mpanatanteraka ny baiko
Hatraiza moa ny fetra hanarahany an’izany ?

Rehefa misy rotaka (bis)
Mila hikorontana ny loha !
Tsy maintsy tanterahina ny baiko miaramila
Ka miady saina satria ...

Any lavitra any e, ny vady aman-janaka
Mivaralila ny ankizy any an-tanana
Tsy misy mpiambina ny ao an-tanana (3)

DAMA - MAHALEO