خاف زعلانه عليه يمة وينج قصيده للأم المله بنت المنهال مكتوبه في الوصف
Автор: تل الزينبيات - Tal AL Zinnabiyat
Загружено: 2021-12-15
Просмотров: 45369
قناة تل الزينبيات تلي كرام لنشر القصائد الحسينية المكتوبه
https://t.me/r0a0m0y
قصيــده للام(يمه وينج)
يمه وينج..... فدوة دليني عليج
مااتعبج. ...كولي وينج وانه اجيج
خاف زعلانه عليه
شو كطعتي هواي بيه
رجعي ليه.... وانه ابوس جفوف اديج
يمه وينج .....فدوة دليني عليج
...........
يمه وينج كلبي رايد شوفتج مريلي
وين شلتي وعفتي ناسج يابعد كل حيلي
صدري ضاك بكلبي حسره اظن ماتدعيلي
دعوة امي .... تريح اكليبي اليضيج
يمه وينج .....فدوة دليني عليج
..............
خل ترد البيت موحش مانريده بلاهه
راحت الكلهه محنه والحلو ملكاهه
الفتحت عيني بديهه غمضت عيناهه
فكي حضنج .... حته شبكيني بديج
يمه وينج..... فدوة دليني عليج
.............
يجبل اليل واشوفه فراشج يبجيني
يمه اذا طولتي اكثر يمج تلاكيني
صرت من كثر المناحه مااشوف بعيني
شيبتني... الفركه ماابلعلي ريج
يمه وينج ....فدوة دليني عليج
عذباني فراگ وجهج وخله اثر بعيوني
يمه من صوت البواجي فاگده يعرفوني
گلبي يسبقني ويجليج لو الج ودوني
لو اجيلج.. گلبي يمه يعتنيج
يمه وينج.. فدوه دليني عليج
گلبي هذا المايهود من ونينه ونوحه
من يذكرونج گبالي يزيد هم جروحه
ها يشفجه ام المحاجي سوالفج مملوحه
لوبديه كل مسيه اتعنه ليج
يمه وينج. فدوه دليني عليج
اداء
العلوية بنت المنهال
كلمات
رسل الابراهيمي
و
نورس الحلفي
مونتاج رامي الشويلي
Доступные форматы для скачивания:
Скачать видео mp4
-
Информация по загрузке:
