Top Channel/ Spektakël ekstrem në Tajvan / Amerikani ngjit ndërtesën 101 katëshe pa asnjë mbrojtje

Një alpinist amerikan ka realizuar një nga sfidat më të rrezikshme urbane të regjistruara ndonjëherë. Alex Honnold, 40 vjeç, u bë personi i parë që ngjiti qiellgërvishtësin Taipei 101 pa përdorur litar, parzmore apo rrjetë sigurie. Qindra qytetarë u mblodhën në bazën e kullës 101-katëshe për të ndjekur ngjitjen, e cila u transmetua drejtpërdrejt në Netflix. Pas rreth një ore e gjysmë, Honnold arriti me sukses majën në një lartësi prej 508 metra, përpara se të zbriste me litar dhe të ribashkohej me bashkëshorten e tij. Në një konferencë për shtyp pas ngjitjes, ai deklaroi se “koha është e kufizuar” dhe se njerëzit duhet ta përdorin atë “në mënyrën më të mirë të mundshme”. “Nëse punon shumë fort, mund të bësh gjëra të vështira,” u shpreh Honnold. Alpinisti është i njohur për ngjitjet e tij ekstreme dhe fitoi famë botërore në vitin 2017, kur ngjiti pa litar faqen shkëmbore “El Capitan” në Yosemite, e konsideruar kulmi i vështirësisë teknike në alpinizëm. Ngjitja e Taipei 101 kishte qenë një ëndërr e hershme për Honnold, por kërkesa e tij e parë ishte refuzuar. Megjithëse është i pari që e ngjit ndërtesën pa asnjë mjet sigurie, Honnold nuk është i pari që ka arritur majën. Në vitin 2004, alpinisti francez Alain Robert, i njohur si “Spidermani francez”, e realizoi ngjitjen duke përdorur litarë sigurie për shkak të motit me shi. Presidenti i Tajvanit, Lai Ching-te, e përgëzoi Honnold-in përmes një postimi në Facebook, duke e quajtur sfidën “thellësisht emocionuese”.

Pamje:AFP


Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopChannelNews#Ngjitja#Alpinisti