Klan News - Mbahet protesta kombëtare e opozitës

Menjëherë pas përfundimit të fjalës së liderit demokrat Sali Berisha, protestuesit e opozitës hodhën molotov ndaj godinës së Kryeministrisë.

Policia kishte marrë masat, duke bërë të mundur fikjen e vatrave të zjarrit. Protestuesit u përpoqën të çanin kordonin e policisë, që kishte vendosur një perimetër sigurie rreth godinës së qeverisë. Në fjalën e tij, kryetari i Partisë Demokratike hodhi akuza ndaj kryeministrit si iniciatori i skemave korruptive. Sipas tij, Rama kreu grusht shteti ndaj drejtësisë.

“Edi Rama nuk do të pranojë kurrë të heqë imunitete, nuk do pranojë kurrë të shkarkojë lubinë. Edi Ramën do ta heqim ne populli opozitar”, tha Berisha.

Po ashtu, Berisha theksoi se Rama nuk mund të iki me votë nga pushteti.

“Ai është i gatshëm që t’i përdorë ato 84 mandate si bajoneta kundër drejtësisë, ligjeve, vota jo, drejtësia jo, do të jenë qytetarët ata të cilët do të hedhin Edi Ramën”, tha ai. Lideri demokrat nuk përjashtoi mundësinë e mbajtjes së protestave edhe në Surrel.

Berisha iu përgjigj dhe skeptikëve mbi aksionin politik të opozitës.

“Jam i bindur se me të drejtë, qytetarët thonë se çfarë bëjnë këta, ju jap fjalën se ja vdesim, ja do rrojmë për liri. Mjerë ai që provohet me ne. Kurrë ne nuk kemi humbur, kemi fituar, do të fitojmë. Nuk mundet kurrë që grup trafikantësh të shkelmojnë dinjitetin tonë”, deklaroi Berisha.

Nga selia e Partisë Demokratike, Berisha falënderoi pjesëmarrësit në protestë, të cilën e cilësoi historike.

“Në qoftë se në protestat para 11 majit ne u ngritëm për të shpëtuar Partinë Demokratike, taniu ne jemi në këmbë për të shpëtuar Shqipërinë. Ky është mision që do përcaktojë fatin e Shqipërisë. Të betohemi për ta vazhduar këtë betejë”, u shpreh Berisha.

Pas protestës së opozitës, para Kryeministrisë mbërritën hetuesit, të cilët mblodhën prova në lidhje me hedhjen e molotovëve. Për mbarëvajtjen e kësaj proteste u angazhuan 1300 forca policie.

Klan News

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan