Edicioni i Lajmeve Tv Klan 28 Nëntor 2025, ora

Lajme, #edicioniinformativ ora 19:30, 28 nëntor 2025 #TvKlan #klanlajme

Spiker: Reis Çiço
Headlines

Shqipëria kremton sot 113-vjetorin e pavarësisë. Vlora, epiqendra e festës, mbushen sheshet e vendit

Shqipëria kremton sot 113-vjetorin e shpalljes së pavarësisë. Në ceremoninë e ngritjes së flamurit të zhvilluar në Vlorë morën pjesë krerët më të lartë të shtetit si dhe presidentja e Kosovës, Osmani. Sheshet e qyteteve kryesore u veshën kuqezi.

Trump uron Shqipërinë për festën e pavarësisë. Rubio: Luftë krimit, drogës dhe sulmeve kibernetike

Një urim në festën e pavarësisë erdhi edhe nga presidenti amerikan Donald Tramp. Ndërsa sekretari i shtetit Marko Rubio thekson forcimin e partneritetit në luftën kundër grupeve kriminale, karteleve të drogës dhe sulmeve kibernetike.

Rama: Bëjmë gjithçka për pavarësinë e drejtësisë. BE, i vetmi destinacion për shqiptarët

Kryeministri Rama deklaron se do të bëhet gjithçka për të ruajtur pavarësinë e institucioneve të drejtësisë. Në një intervistë për mediat austriake, kreu i qeverisë thotë se vendi ynë po përmbush reformat që kërkon integrimi.

Malaj: Në 2026, rritje pencionesh e pagash pa taksa të reja. Paqja fiskale, mundësi për bizneset

Ministri i Financave, Petrit Malaj, thotë në një intervistë për TV Klan se buxheti 2026 synon rritjen e pensioneve dhe pagave pa rritur taksat. Ai nënvizon se “paqja fiskale” është një mundësi për bizneset për të mbyllur problemet e së shkuarës.

Shiu përmbyt Tiranën, rubinetat mbeten pa ujë. Banorët: Situata, njësoj si gjatë verës së thatë

Banorët e Tiranës po përballen me një situatë paradoksale. Teksa reshjet e shiut po mbajnë të mbërthyer kryeqytetin prej gati dy javësh, në rubinetat e qytetarëve vijon thatësira e verës. Fenomeni është i shtrirë në çdo zonë të kryeqytetit.

Trump urdhëron ndalimin e emigrantëve nga “bota e tretë” pas sulmit në Washington

Presidenti amerikan Donald Tramp paralajmëron se do të ndalë migracionin nga të gjitha vendet e botës së tretë. Paralajmërimi erdhi pasi një pjesëtare e Gardës Kombëtare, e plagosur nga sulmi me armë i një refugjati afgan, ndërroi jetë në spital.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/