قولو لخلي - كلمات عبدالرحمن بن نوار الاكلبي غناء وليد الشهري (هيف)

🌹 قولوا لخلّي 🌹
..…………………………………………
قولوا لخلّي على هونه
خلاص ما أقوى على فرقاه
…………………….
لا يبخل بشوف مظنونه
يرجع قبل تشغلِه دنياه
…………………….
…………………….
فتّان من نظرة عيونه
وهذا تَعَبْ قلبي وبلواه
…………………….
أصبحت في الحُب مجنونه
مشتاق له وأنتظر لقياه
…………………….
…………………….
ما أقْدَر أعيش من دونه
أمسي وأصبح على طرياه
…………………….
حلفت والله ما أخونه
أموت وأحيى على ذكراه
…………………….
…………………….
غيره أبد لا يهمونه
أزعِل جميع البشر لرضاه
…………………….
لو يطلب الروح لعيونه
العمر كله ترى يفداه
…………………….
…………………….
لو في يدي ما يشوفونه
حتى ولو لحظة بممشاه
…………………….
وإن كان حظّي وقف دونه
ما أنساه أنا مُستحيل أنساه
…………………….
…………………….
الحُب هو رَسْمِهْ ولونه
والشوق بإسم الغلا ناداه
…………………….
في القلب تتمايل غصونه
وقلبي يرحّب به وحيّاه
…………………….
…………………….
يا اللي تعرفونه وشلونه
لا يطوّل البُعْدْ ما أقواه
…………………….
حسّادنا دوم مغبونه
دامه يبيني وأنا أبغاه
…………………….
…………………….
مشاعري فيه مفتونه
عنوانها أعشقه وأهواه
…………………….
وإن شالها بأعذب لحونه
شفته يغنّي على ليلاه
..……………………………………….
عبدالرحمن بن نوار الأكلبي