Tbilisi-Bakı münasibətlərində nələr baş verir? | Ekspertlər vəziyyəti şərh edir

Son günlər Azərbaycanda hökumətə yaxınlığı ilə tanınan “Minval” nəşri “Gürcüstan sülhə qarşı oynayır: Tbilisi Bakının səbrinin həddini sınayır” və “Bakı Tbilisinin tarif demarşına cavab olaraq Ermənistanla sərhədə qədər dəmir yolu xəttini bərpa etməyi düşünür” kimi manşetlər dərc edib.

Nəşr, həmçinin, son vaxtlar Tbilisi–Bakı münasibətlərində bürokratik problemlərin olduğunu iddia edir. Rəsmi Tbilisini Azərbaycan–Ermənistan arasında sülhün əleyhinə çıxmaqda ittiham edən məqalədə qeyd olunub ki, Gürcüstan, Ermənistana nəzərdə tutulmuş yanacağın tranziti üçün Azərbaycana daha yüksək tarif təklif edib.

Prosesi Aktual.ge xəbər portalına şərh edən ekspertlər hazırkı vəziyyətin narahatedici olduğunu bildirir və yaranmış qeyri-müəyyənliklərin aradan qaldırılmasının vacibliyinə diqqət çəkirlər.

Məsələni Aktual.ge-yə dəyərləndirən politoloq Gia Xuxaşvili də mövcud vəziyyətin xeyli narahatedici olduğunu qeyd edib.

Gürcüstanın Strateji Analiz Mərkəzinin Geopolitik Tədqiqatlar Mərkəzinin rəhbəri, beynəlxalq məsələlər üzrə ekspert Valeri Çeçelaşvilinin sözlərinə görə, Azərbaycan yük maşınlarının Gürcüstan ərazisində tranzit zamanı üzləşdiyi iddia olunan çətinliklər hələlik rəsmi təsdiqini tapmayıb və yaranmış qeyri-müəyyənlik Gürcüstanın tranzit ölkə kimi imicinə zərər vurur.

Məsələni daha da aydınlaşdırmaq üçün Gürcüstan Xarici İşlər Nazirliyinə sorğu ünvanlasaq da, hələlik cavab verilməyib.

Daha ətraflı Natela Əlləzovanın video süjetində: