تل الاحزان ¦¦ الشاعر احمد الكعبي الكربلائي
Автор: مضيف الامام الرضا عليه السلام كربلاء المقدسه
Загружено: 2025-01-17
Просмотров: 604
◾️قصيدة: تل الاحزان
◾️الوزن: نصّاري
#العقيلة_زينب_عليها_السلام
......................
انه كل عمري بعدك تل الاحزان
وجرح ينزف يخويه ابگد الـ اطفوف
او أوِن اعليك ونّة ضلع مكسور
ونّة فاطِمه ابدلّال ملهوف
لَسّا چنّي عالتل والگلب حار
عليك اشبِچ العشره ابدمع مذروف
واجيك شلون جيّه وكلّي شَوغات
مشدوهه وذهيله ابلون مخطوف
اصد للشاطي اصيح ابصوت عباس
الف يا حيف خويه امگطَّع اچفوف
اصدّن للخيم تتلاهب النار
وانته اعله الترب مابين الـ اصفوف
ظامي وما بعد بعيوني ظل ماي
اوعَلَي اظلَم نهاري وبعد ماشوف
شلون اختك تشوفك ياضوه العين
غريب اوحيد بين ارماح واسيوف
وَاَنه بعدك گضيت العمر آهات
والحزنك دِليلي ايرتل احروف
اَنه اجروحي وسيعه وتگطَع انفاس
عِشره اوياي عدهه وماهي اضيوف
ابد ماتبره علتي وحسرِتي اتهيد
وبس اترابكم لونيني موصوف
ابكثر انفاسي عندي امياتم او آه
او بَحَر حزني عليكم ما إله اجروف
ويظل التل عزاي الآخر انفاس
وعله اونينك يظل ماخذني الخوف
او جمر روحي اشَد من جمر اِلِـخيام
ويمكم روحي دوم ابكربله تطوف
ـــــــــــــــــــــــــــــــــــــــــــــــــــــــ
✍🏻بقلم #احمد_الكعبي_الكربلائي
📍 كربلاء المقدسة
🌐https://t.me/ahmedAlkarbalai0
Доступные форматы для скачивания:
Скачать видео mp4
-
Информация по загрузке:
