Murodjon Ahmedov kuylaydi Mumtoz va xalq qo'shiqlari to'plami

Муроджон Аҳмедов куйлайди. Мумтоз ва халқ қўшиқлари тўплами /
Murodjon Ahmedov kuylaydi. Mumtoz va xalq qo‘shiqlari to‘plami.

Murodjon Ahmedov (1-yanvar, 1918-yil; Qoʻqon yaqinidagi Afgʻon qishlogʻi — 18-may, 1988-yil; Qoʻqon) — aktyor va xonanda (dramatik bariton). Oʻzbekiston xalq artisti (1967). Hamroqul qori, Rahmon hofizlardan ashula yoʻllarini, 3. Mir-zatovdan sahna sirlarini oʻrgangan. Qoʻqondagi yosh tomoshabinlar teatri (1933—1934), Qoʻqon (1940—1955), Fargʻona (1956—1981) teatrlarida ishlagan. Drama, musiqali drama va komediyalarda rang-barang obrazlar yaratgan. Tohir („Tohir va Zuhra“), Haydar, Ravshan („Nurxon“, „Ravshan va Zulxumor“), Bahodir („Bur-gutning parvozi“), Gʻofir („Boy ila xizmatchi“), Aziz („Aziz va Sanam“), Navroʻz („Gul va Navroʻz“), Karl Moor („Qaroqchilar“), hofiz („Oʻtkan kunlar“), Oʻktam („Kumush toʻy“) kabi jami 70 dan ortiq xilma-xil qahramonlar qiyofasini gavdalantirgan. Asar qahramonlarini jasoratli, olijanob, yuksak tuygʻular egasi qilib yorqin tasvirlagan. „Oltin vodiy kuychisi“ telefilmi va „Oʻtkan kunlar“ badiiy filmida („Oʻrtar“ni aytib) suratga tushgan. Murodjon Ahmedov maqom ustasi, baland avjlarni ham bemalol ayta oladigan kuchli, shirali ovozga ega boʻlgan. „Bu oqshom“, „Oʻrtar“, „Toza lutf“, „Bayot-3“, „Nasri Uz zol“, „Buxoro irogʻi“ kabi maqom yoʻllari, ashula va katta ashulalar Ahmedov repertuaridan oʻrin olgan.

Муроджон Аҳмедов (1-январ, 1918-йил; Қўқон яқинидаги Афғон қишлоғи — 18-май, 1988-йил; Қўқон) — актёр ва хонанда (драматик баритон). Ўзбекистон халқ артисти (1967). Ҳамроқул қори, Раҳмон ҳофизлардан ашула йўлларини, 3. Мир-затовдан саҳна сирларини ўрганган. Қўқондаги ёш томошабинлар театри (1933—1934), Қўқон (1940—1955), Фарғона (1956—1981) театрларида ишлаган. Драма, мусиқали драма ва комедияларда ранг-баранг образлар яратган. Тоҳир („Тоҳир ва Зуҳра“), Ҳайдар, Равшан („Нурхон“, „Равшан ва Зулхумор“), Баҳодир („Бур-гутнинг парвози“), Ғофир („Бой ила хизматчи“), Азиз („Азиз ва Санам“), Наврўз („Гул ва Наврўз“), Карл Моор („Қароқчилар“), ҳофиз („Ўткан кунлар“), Ўктам („Кумуш тўй“) каби жами 70 дан ортиқ хилма-хил қаҳрамонлар қиёфасини гавдалантирган. Асар қаҳрамонларини жасоратли, олижаноб, юксак туйғулар эгаси қилиб ёрқин тасвирлаган. „Олтин водий куйчиси“ телефильми ва „Ўткан кунлар“ бадиий фильмида („Ўртар“ни айтиб) суратга тушган. Муроджон Аҳмедов мақом устаси, баланд авжларни ҳам бемалол айта оладиган кучли, ширали овозга эга бўлган. „Бу оқшом“, „Ўртар“, „Тоза лутф“, „Баёт-3“, „Насри Уз зол“, „Бухоро ироғи“ каби мақом йўллари, ашула ва катта ашулалар Аҳмедов репертуаридан ўрин олган.