An'chingni Ka'sabegipa Pope Francis-ni Janggitanganiko Description-o Rongtale Seani aro Video

An'chingni ka'sabegipa Pope Francis-ni kan'dikgipa janggitanganiko ia videoko tarianio
dingtangmancha Mr. Jessy Marak-ko uni tarigimin videoko reupload ka'na permission-ko on'nahanina aro Mr. Tengsrang A. Sangma-ko Pope-ni Janggitangani gimin description on'atgipa kattarangko namen che'em che'em seatahanina gisik ka'tong gimikchi uamang sakgnikon namen mitelbea.
📌 Title
Bilsi 88 gadapani jamano Pope Francis a.gilsako wate jringrotni nengtakram bi•apona reangaha

Bilsi 88 gadapani jamano Pope Francis Roman Catholic Church ni skotong Easter Monday ba Easter ni Sombar sal April 21 2025 tarik pring 7:35 bajimango (Local time in his residence at Domus Sanctae Marthae In Vatican City) an.chingni dongram a.gilsakoni, jringrotni nengtakram bi•apona Nokgipa Isolni rimangako manaha.
Ua ruutbea sal aro somoirangonin a.gilsaknigita be.en ni ansenggijaniko mane dongengachim indiba April 21 tarik 2025 Easter ni sombar salo bonchote rangsitaha. A.selara Cerebral stroke ba rangsitgipa gitok-o (block) balwa napna manjahani gimin ongaha.
Uni si•aniko Cardinal Kevin Farrell Vatican City ni kobor ratimgiparangna parakataha.

📌 CHANG 266-GIPA POPE FRANCIS GIMIN KANDIKE UI•E RA•ANI

Pope Francis ni at•chiani: Pope Francis no at•chiani bimungko Jorge Mario Bergoglio mingachim. Ua 1936 bilsi ni December 17 tariko, Argentina Buenos Aires o at•chiaha.
Ua December 13, 1969 bilsi kamal songako manchengaha.
Jamano 1998 bilsio Buenos Aires ni Archbishop na seokako manskaha.
2001 o ua Pope John Paul II ni jakchi Cardinal songako manaha.
Uni jamano Roman Catholic Church ko redilna chubatgipa gadangni kamko kana Pope na March ni 13, 2013 bilsio seokani manaha.
Pope Francis an skanggipa America a.song Jesuit Fr.rangoni Pope na seokako mangipa ongachim.
Pope Francis an•tangko onatgipa, kasachakgipa, kema ka.aniko dale ra•gipa, kangal cholgri aro galchipa mangiparangna kam ka.gipa, dingtang dingtang toromo beberagipa sakanti baksa nangrimna kam kagipa saksa Pope ongachim.

Pope Francis, a•bachenggipa Pope rangko chanbae 266 gipa Pope ongachim.
Pope Francis 2013 o elect ka.ako manachim uni Pope onge kamko ka.anio banga aio inmangipa kamrang je•kon an.ching pangnaba gualna amjawaha, a.gilsak gimikna Catholic beberagipa sakantinan gipate ba suale donangaha.
Uni Pope onge dangdikanio ua dingtang dingtang a•bao gital dakaniko rabahaha jekai, mande jatna dingtangmancha kasae dangdike onani, mane cha.a kangal cholgri rangna apsan kasae dangdikani, a.gilsak gimiko torom toromska kumong nangrimanina kam ka.ani, ua indake jat torom basegija kasaani ko gipatna kam ka.ani aro ua indake dingtang dingtang a.songrang baksa meli nangrimanina kam ka.ani an ongachim.
Pope Francis antangni mesrangko nirok sandianio Jisuni jarikgipa ba ja•chong ongna krae kamrangko ka.angaha, ua kangal aro galchipa mangiparangko radona kam ka.aha.


📌 POPE KO MANDE RA.E PUBLIC BONCHOTE GRONGANI:

April 23 Budbar sal 2025, Pope ni manggisiko St.Peter's Basilica ona ra•baha je•on uko salgittam na kingking done public mande ra.e grongchotaniko dakaha.
Hajal 90 na batpile public rang manggisiko donram bi•apona reange grongaha aro una agreba sengtime riting (line) dake dongenggiparang bangaha.

📌 POPE FRANCIS KO BONKAME MANDE RA.ANI ARO GOPANI

An•chingni chang 266 Pope Francis ko bonchote mande ra.e 2025 April ni 26 tarik sonibar sal somoi 10:00 (local time) bajina St.Peter's Square Vatican City-o manchisoaha.
Uni jamano Pope ni manggisiko Basilica of Santa Maria Maggiore Rome minggipa biapona ra.angge gopgen.
Gopani giljako Cardinal Giovanni Battista minggipa je•an Re, Dean of the College of Cardinal dakdilgen. Dingtang dingtang a.songoni daldalgipa dilgiparang ba iano bak rana rebatokgen.

Vatican City-oni mediana parakatani gita gopani gilja ko a.gilsak gimikna live broadcast kagen.

Pilakon mitela.