هل يمكن زراعة الاسنان في يوم واحد؟

في الفيديو ده دكتور أحمد العايدي "أخصائي تركيبات وزراعة الأسنان في عيادة وايت اند برايت" بيوضح أهم التفاصيل اللي ممكن تيجي في بالك عن زراعة الاسنان الفورية وهل معناها إنه اه يمكن زراعة الاسنان في يوم واحد ولا لأ، وبيوضح كمان الفرق بين زراعة الاسنان الفورية وتركيب الاسنان الفوري وإيه خطورة التركيب الفوري وازاي ممكن يكون ليه تأثير على نجاح الزرعة.

لو مكمل لحد هنا فده معناه إنك مهتم تعرف تفاصيل أكتر عن زراعة الاسنان في يوم واحد أو سعر زراعة الاسنان الفورية، عشان كده هقولك بالتفصيل أهم الاسئلة اللي ممكن تيجي في بالك، ولو عندك سؤال غيره اكتبهولنا ودكتور أحمد هيرد عليك في أسرع وقت

⬅️ إيه هي زراعة الأسنان الفورية؟
زراعة الأسنان الفورية هي تقنية حديثة بتخلينا نقدر بعد ما نشيل جذور السنة القديمة نزرع مكانها على طول السنة الجديدة (في زراعة الاسنان التقليدية بنستنى لحد ما الجرح يلتئم قبل زراعة السنة الجديدة)
يعني باختصار بتسمح لينا بزراعة السن الصناعي في نفس اليوم اللي بيتم فيه خلع السن الطبيعي.

وطبعاً ده حل آمن طالما الدكتور قالك إن حالة الفم واللثة تسمح بيها، وعشان كده بقت محل اهتمام كتير من الناس، خاصةً اللي بيحتاجوا لحل سريع وفعّال لتعويض أسنانهم المفقودة بدون خطورة أو احتماليات سلبية لسقوط أو فشل الزرعة.

⬅️ ليه زراعة الأسنان في يوم واحد بقت ممكنة (زراعة الاسنان الفورية)؟
دي أهم 3 عوامل ساعدت في ده ووجودهم بيضمن أكتر نجاح العملية بالإضافة طبعاُ لالاتزام المريض بتعليمات الدكتور بعد العملية والتزامة
بالمتابعة الدورية حتى لو مش حاسس بأي ألم:

تقنيات متقدمة: التطور في تقنيات تصوير الفم والأسنان بيسمح بتحديد الموقع المثالي للزرعة بدقة كبيرة جداً، وده بيساعد في إتمام العملية بسرعة.
كفاءة العيادة: حرص العيادة على النظافة والتعقيم وتوفير كل الأجهزة والمواد اللازمة اللي بتساعد على إتمام العملية بدون أي ضرر على المريض.
خبرة الدكتور: نجاح العملية بيعتمد بشكل كبير على خبرة الدكتور في التعامل مع الحالات المختلفة واختيار الطريقة المثالية لكل حالة أسنان (لو مهتم قولنا وهنبعتلك ازاي من وانت في مكانك تعرف تختبر خبرة وكفاءة الدكتور وازاي تختار افضل دكتور زراعة اسنان في مصر)

⬅️ فوائد زراعة الأسنان الفورية:
سرعة العملية (دي أهم فايدة بتميزها عن زراعة الاسنان التقليدية، وباقي المميزات مشتركة بين زراعة الاسنان الفورية وزراعة الاسنان التقليدية)
تحسين المظهر: استعادة الابتسامة الطبيعية في وقت قصير بتدي ثقة أكبر للشخص.
حماية العظام: زراعة الأسنان الفورية بتقلل من تآكل عظام الفك اللي بيحصل بعد فقدان الأسنان.

⬅️ إيه هي التحديات؟
مش لكل الحالات: مش كل المرضى يناسبهم إجراء الزراعة الفورية، ولازم يكون فيه تقييم دقيق للحالة.
تكلفة أعلى: في بعض الأحيان، زراعة الأسنان الفورية بتكون أغلى من الزراعة التقليدية بسبب التقنيات المتقدمة المستخدمة.

⬅️ سعر زراعة الأسنان الفورية:
تكلفة أو سعر زراعة الأسنان الفورية بتختلف حسب عوامل زي موقع العيادة، خبرة الدكتور وكفاءته، والمواد المستخدمة. العملية . لو كنت مهتم تعرف أكتر عن الأسعار أو تفكر في إجراء العملية، من هنا هتقدر توصل لمقارنة اسعار زراعة الاسنان الفورية في مصر وفي عيادتنا وايت اند برايت 👇
https://bit.ly/4cNSp04

⬅️ الحالات اللي بتناسبها زراعة الأسنان الفورية:
زراعة الأسنان الفورية بتكون حل مثالي لو:
فيه جودة وكثافة كافية في عظام الفك (بيحددها الدكتور).
محتاج تعمل الزرع في أسرع وقت ممكن لأسباب نفسية أو عملية زي القدرة على متابعة الحياة سواء الأكل أو الكلام، أو لأسباب عضوية زي المحافظة على عظام الفك وصحة الفم واللثة.


⬅️ مين اللي مش ممكن يعمل زراعة فورية؟
زراعة الأسنان الفورية مش بتناسببعض الحالات أهمهم:
مرضى السكر غير المنضبط.
اللي بيعانوا من ضعف في العظام أو معندهومش عظام كافية في الفك (بيحتاجوا قبلها زراعة عظام فك)
المدخنين بشراهة اللي مش قادرين يبطلوا التدخين قبل العملية.
حساسية من التيتانيوم: بالرغم إنها نادرة، بس لازم تتأكد منها.

⬅️ نصايح بعد زراعة الأسنان الفورية:
الالتزام بتعليمات الدكتور بخصوص الأدوية والعناية بالفم.
الابتعاد عن التدخين تمامًا.
غسل الأسنان بفرشاة ناعمة والاهتمام بصحة ونظافة الفم بشكل عام.
استخدام مضمضة خالية من الكحول لمنع تراكم البكتيريا (بيوصفالك الدكتور)
الالتزام بمواعيد المتابعة الدورية حتى لو مفيش أي ألم.

⬅️ مهم جدًا:
لو عندك أسئلة أو حابب تعرف أكتر عن زراعة الأسنان الفورية، متترددش تكتبلنا وهنرد عليك في أسرع وقت ممكن.وهنقولك ازاي تتواصل معانا في العيادة 👇

زور موقعنا و إعرف كل التفاصيل عن اسعار خدماتنا وسعر زراعة الاسنان الفورية و تفاصيلها من هنا :
https://bit.ly/4cNSp04

تابعنا علي الفيس بوك دلوقتي من هنا :
https://bit.ly/4dTxEAT

لو محتاج تعرف مكان العيادة من هنا :
https://bit.ly/3ADZmmW

لو محتاج تكلمنا تقدر تتواصل معانا من هنا :
https://bit.ly/3XhaTkM