"ရွှေရည်စိမ်များ" ‌စာရေးသူ - သွင်ထူးသစ် /LH စာစဉ် အတွဲ (၂၈)

စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၂၈) မှ "စာရေးသူ - သွင်ထူးသစ်" ရဲ့ "ရွှေရည်စိမ်များ" ဆိုတဲ့စာမူပဲဖြစ်ပါတယ်

"ရွှေရည်စိမ်များ"
စာရေးသူ - သွင်ထူးသစ်
စာဖတ်သူ - နန်းသိင်္ဂီ
ကြာချိန် - ၁၅ မိနစ် : ၄ စက္ကန့်

စာမြည်း
ညနေ သုံးနာရီထိုးတော့ ထမင်းဟင်းချက်ဖို့ အိမ်မကြီးအပြင် သီးသန့်ထုတ်ထားတဲ့အိမ်အနောက်ဘက် မီးဖိုချောင်ကလေးဆီ ဒေါ်လေးခင် ထွက်လာလိုက်တယ်။မီးမွေးပြီး အုတ်ခဲသုံးလုံး ဖိုခနောက် ဆိုင်ပေါ် နို့ဆီ သုံးဗူးထည့်ထားတဲ့ ထမင်းအိုးကလေးကို တင်ထား လိုက်တယ်။ ထမင်းအိုးကလေး အထိုင်ကျတော့မှ ပြောင်းဖူးဖက်ထဲ ဆေးရိုးထည့်ထားတဲ့ ကိုယ်တိုင်လုပ် ဆေးပေါ့လိပ်ကို မီးဖိုက ထင်းစကလေးနဲ့ ဆွဲပြီး ညှိ ၊ အနားက တစ်မိုက်ခန့်အမြင့်ရှိ သစ်သား ထိုင်ခုံပုကလေးယူထိုင်တယ်။ ထုံစံအတိုင်း မီးဖိုချောင်အပေါက်ဝ ထိုင်ပြီး ပိန်လှီနေတဲ့ ပါးနှစ်ဖက်စလုံး ခွက်ဝင်သွားတဲ့အထိ ဆေးပေါ့လိပ်ကို အငမ်းမရ ဖွာလိုက်တယ်။
"အင်း … ညည်းတို့နဲ့တော့ ငါ့မျက်လုံးတွေကို မြန်မြန်မှုန်မှအေးမှာ"
မြင်ကွင်းထဲ ပေါ်နေတဲ့ ခပ်လှမ်လှမ်းက ညီမဖြစ်သူ မတင်စိန် အိမ်ဆီ ငေးရင်း ဒေါ်လေးခင်နှုတ်က မြည်တွန်တယ်။
“ခက်ပါရဲ့ အေ။ မျက်လုံးမှုန်ရုံနဲ့လဲ ရမယ်မထင်ပါဘူး။ နားတွေပါ ပင်းသွားမှကိုအေးမှာပါ "
မအေမတင်စိန်အိမ်ဆီက ကလေးချင်း ငြင်းခုန်သံနဲ့ ငိုကြွေးသံများက ဒေါ်လေးခင်နားထဲ ဒလဟော ဝင်လာတယ်။ အသေအချာ အာရုံစိုက်ပြီး နားထောင်နေစရာ မလို။ စွာတေးလန် အသံသေးနဲ့ အော်ဟစ်နေတာက အငယ်ဆုံးမ ဂျမ်းပုံဆိုတာ ဒေါ်လေးခင်သိတယ်။ ဂျမ်းပုံ ငိုအောင် ဖန်တီးရှင်က မောင်လုပ်သူ ကြွက်တိုးဖြစ်နိုင်သလို ၊ဖြစ်တဲ့ မတင်စိန်ကြောင့်လဲ ဖြစ်ပြန်ရဲ့ လို့ ဆေးပေါ့လိပ်အပြင်းဖွာရင်း ဒေါ်လေးခင်တွေးတယ်။ အဟာရဓာတ်နည်းတဲ့ အစားအသောက်တွေက အူနုကလေးတွေအတွက် တစာစာ အော်စေသလားလို့လဲ ဒေါ်လေးခင် ကောက်ချက်ချပြန်တယ်။ တစ်ခြမ်းထဲမီးစွဲနေတဲ့ ဆေးပေါ့လိပ်ဦးခေါင်းကို ပြန်လှည့်ကြည့်ရင်း လက်ခလယ်ထိပ်ကလေးကို လျှာထိပ်နဲ့ ဒေါ်လေးခင် တို့လိုက်တယ်။ နောက်တော့ မီးအစားမြန်ပြီး တစ်ဖက်စောင်းနင်း လှိုက်စားနေတဲ့ အခြမ်းလေးကို တံထွေးစလေးနဲ့ ရစ်ပေးလိုက်တယ်။
"မမခင်ဆီ စကွဲလေးငါးဗူးစာလောက် မျှဖို့ မရှိဘူးလား "
နေ့လည်ခင်းက မတင်စိန်လာမေးတုန်းက ဒေါ်လေးခင်က မတုန်မလှုပ်နဲ့ စကားကြောင်းမပြန်လိုက်ဘူး။ အိမ်ရိပ်ကိုတောင် မနင်းဖို့ မှာထားသာကို အတင့်ရဲလို့တဲ့။ ညနေခင်းတစ်ခုရဲ့ မီးခိုးတလူလူ ထွက်နေချိန်မှာ မတင်စိန်တစ်အိမ်ထဲ ကွက်ပြီးမီးခိုးတိတ်နေတာမြင်ရတော့ ဒေါ်လေးခင်စိတ်ထဲ မကောင်းဖြစ်ပြန်တယ်။
"ကိုတင်ထွေးက အမြဲမသောက်ပါဘူး မမခင်ရယ်၊ အလုပ်ပင်ပန်းတဲ့အခါမျိုးမှ တစ်ခွက်စ နှစ်ခွက်စပါ"


ဝတ္ထု ကို အောက်ပါလင့်ခ် ကို နှိပ်ပြီး ဖတ်ရှုခံစားနိုင်ပြီဖြစ်ပါတယ်။
စာစဉ်ဖတ်ရန် နှိပ်ပါ
https://online.fliphtml5.com/zlxdu/irwp/


*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

🔰 https://fliphtml5.com/site/13979096/i...