Mavrigi Bukhoro_5

"Mavrigi" ensemble from Bukhara, Mavrigi folk music concert
Подшоҳи шаб баромад, э подшоҳи шаб баромад,
банди дастамро гирифт
Ҳеҷ касе ба мисли ман дар роҳи ишқ расво нашуд, бераҳмо!

Аз таги долон гузаштам, наъли кафшат ёфтам
Аз барои наъли кафшат шиша-сандуқ сохтам
Шиша-сандуқ, ҷон тасаддуқ, хона меҳмон омадаст
Аз Бухорои Шариф як моҳи тобон омадаст

Аз Бухорои Шариф як моҳи тобон омадаст-е
Ёрат ман-е, ёрат ман-е, ёри вафодорат ман-е
Банда-ғуломат мешавам-е, асир ба номат мешавам-е
Асир ба мӯи чин-чинат-е, гулҳо дорад арақчинат-е
Биё бача гул мечинем-е, гулҳо ба сунбул мечинем-е
Монандаи мӯр мечинем-е, бо савти булбул мечинем-е
Инаш хубу ваяш хуб аст-е, абру думи мораш хуб аст-е
Зулфи чилу чораш хуб аст-е, чашми пурхумораш хуб аст-е
Мижгони қатораш хуб аст-е, рӯи беғубораш хуб аст-е
Дандони қатораш хуб аст-е, холи бешумораш хуб аст-е

Ай ҷон, амон амон, ҷон амон
Дили ман боз сӯҳбати дилдори дигар металабад, ёр амон

Субҳидам мурғи чаман бо гули навхоста гуфт:
«Ноз кам кун, ки басе чун ту дар ин боғ шукуфт»
Гул бихандид, ки «аз рост наранҷем, вале
Ҳеҷ ошиқ сухани сахт ба маъшуқ нагуфт»

Ёр омаду ман тоқати дидор надорам
Аз худ гилае дораму аз ёр надорам
Шодам ки ғами ёр зи худ бехабарам кард,,
Боре хабар аз таънаи ағёр надорам
Гуфтам ки биёӣ, ғами ту бо ту кунам шарҳ
Аммо чӣ кунам, тоқати гуфтор надорам
Ёр омаду ман тоқати дидор надорам
Аз худ гилае дораму аз ёр надорам
Ҳоли мани дилхаста хароб аст, Ҳилолӣ
Озурда диле дораму ғамхор надорам
Ёр омаду ман тоқати дидор надорам
Аз худ гилае дораму аз ёр надорам

Шабо ноз, саҳар ноз, саҳар ноз, саҳар ноз,
Дили ошиқ надорад тоқати ноз
Гулею булбулею боғбоне
Чаро дар бӯса додан дилгаронӣ?
Ки имрӯз ту ба ман чанд бӯса бидеҳ
Ки фардоҳо шавӣ аз дигароне
Шабо ноз, саҳар ноз, саҳар ноз, саҳар ноз,
Дили ошиқ надорад тоқати ноз

Қадат аз гул ишорат мекунам ман
Лабат аз бӯса ғорат мекунам ман
Лаби ту Маккаю ман -- марди ҳоҷӣ
Шаби Ида зиёрат мекунам ман

Аҷаб сурат, аҷаб қомат, аҷаб қад
Аҷаб ошиқкушӣ, эй бемурувват
Каманде бастаӣ, пои дили ман
Наметарсӣ ту аз рӯзи қиёмат

Аҷаб абрӯ, аҷаб гесӯ аҷаб мӯ,
Аҷаб гардан, аҷаб ғабғаб, аҷаб рӯ
Аҷаб соҳибҷамоле дилбари ман
Мисоли дастаи гул медиҳад бӯ

Худат гул, қоматат гул, кафши по гул
Қади боло бинозам хирмани гул
Агар як шаб ба боғат ҷо бигирам
Бигардам шоха шоха мисли булбул

Рухат моҳу, рухат моҳу, рухат моҳ,
Сафеди суратат мисли саҳаргоҳ
Агар рӯзе дусад бор набинам

Ин ҳама ширинлабон афтода дар банди Шумо
Яъне аз ҷон бандаи лаъли шакарханди Шумо
Аз хироми дӯш дар даъвои раъное ба боғ
Банд карда найшакарро қомати қанди Шумо
Кай бувад, аз лутфатон бар орзуи дил расад
Айнии бечора, яъне орзуманди Шумо