(الجزء الثاني) أقوى الزوامل في اليمن من الزمن القديم ايام الشطرين موروث يفتخر فيه الجميع

الجزأ الثاني لأقوى الزوامل:
صفحة الشاعر على الفيسبوك:
https://www.facebook.com/%D8%A7%D9%84...

قبح الله وجهك يا ذليل
عاد بعد الحرايب عافية

عند شب الحرايب ما نميل
باتجيك العلوم الشافية
———
بارق برق من عندكم
واسقى البلايد عندنا

غصن الجنا من عندكم
والقاطفي من عندنا
———
يشهد علي الله وتشهد ساحته وأهل البلد
ما ودي أتنهد ولا ودي ولدكم يقتلوه

ما غيرها زلّة ولا يسلم من الزلات حد
والآن رايك في الذي قد مات؛ والحي أنت أبوه

الجواب:

يامرحبا يعتد ياضيفان جو من كل حد
مفهوم زاملكم؛؛ وما تبغوه منا فاطلبوه

ما سلفنا النفس أو نبخل على ما إحنا نجد
أوجيهكم شلّت دم المقتول؛؛ قبره نصبوه

————

قد كل شي ماشي يجي إلا بشي
الشي بما شي ما يجيشي بالبلاش

لا شفت عفشي قد طول عن مفرشي
بامدد رجيلي على طول الفراش

جواب احد مشايخ الشعيب👇🏼

ماشي كما الشي أو كما الصبح العشي
ذي ما معه شي بندقه مثل الطماش

شفت المناشي بالقبايل تنتشي
والزرع ماشي ذي زرعتوا ع الرشاش
———
وأيضاً على نفس التلاعب على الجرس الموسيقي
زامل بيافع:
خجّه ورجّه والحيود اترجرجه
واهل السياسه رجّو الدنيا رجوج

ياذي تبا الخرجه بعيد المخرجه
شوف من توجّه بينهم ماشي خروج
———

يا جبر خاويتك ومن بعد الاخاء سميّت بك
واليوم هانا فوق قبرك بالجواري والحريم

يا جبر لي منعك اذا ما قد دفن منعك معك
لا يجزع الباطل عليا قهر ما هو من غريم

وهذا الرد من احد ابناء جبر ابن غلاب :

قد جبر ابي سِمْعَك ومن تحت الثرى قد جوّبك
واوصا عياله والقبيلة في القضية من قديــم

باحمل قضيتكم مطيـّـة فوق ظهــري وأحملــك
لـو نترك الجنـّة علـى شانك ونسرح للجحيــم
————

الزامل قاله شاعر خولان بعد ان اشعلت بني جبر نار النكف في قمم جبال الطيال الثمان بعد مقتل
اثنين من وجهاءهم :

يا جبري الهجرة ذمرنا كلنا
هجرة قُبل خولان في طول الزمان

ولن نفرّط في القضاه اخواننا
والنار تشعل في طوالعنا الثمان
————

الزامل للننقيب يحيى بن ناجي الرويشان
يرحب بالذي وفدوا
بسبب قضيه بين اهل الرويشان بينهم البين
فكان المتزمل بطرف...
وجاء المتزمل الثاني علي سعيد الرويشان مع الضيوف ومع احد الأطراف...
قال الأول:
حيا بكم يا ذي ولمتو عندنا
قد بانرحب كيف ما كانت تكون

ان صاحبي غلطان يا بى بالوفا
وانك تعريته فيا حمّى الدقون

فأجاب علي بن سعيد الرويشا
قال:
يا ذي بدعت القول حيا لك وله
حيا ملا النايف ويعلى ل الحصون

مانا مخاطب شي بعرات الغلط
انا فرد واحد بحمران العيون


زامل ايام حرب قيفه والحدا البدع للشيخ القوسي:

سلام مني صرّ من سود النخر
مثني معشر من لثيم اخشامها

من قوم مصطفّه على حيد الحمر
صفوف والقوسي على مقدامها

الجواب الجواب لشاعر قيفه ضيف الله ناصر ابوصريمه:

ارحب على ما سا قته شوكه وجرّ
صفر القشر ذي ماجبر مقطا مها

مولى الخزاين ذي مطبّع با لنُمَر
ذينا مدهل في العدا لحّامها.
———
الزامل لقبيلة الحدا ارسلوه للامام احمد عندما طلب من الحدا الحرب في نجران ايام حرب اليمن والسعوديه
قال شاعرهم:

من لسن واحد قالت اغمار الحدا كلاتها
ما با نحاربشي ببندق سك في الربع الخلي

إنشي جرامل تقرع اخشام العِدا بأصواتها
ولا فلا جد الحِدا القوسي ولا ناصر علي
————
وفي حرب حبل ثوبان وحبل النصرة
قالت شاعرة عنس المقدشيه وهي صاحبة البيت الشهير:
سوا سوا يا عباد الله متساويه
ماحد ولد حرّ والثاني ولد جاريه

قالت في حرب الحدا:

يامشرمه ياوعل ثوبان ابوفندتين
قرونك اعتين وقرون العدو نكسين

يادار صالح نشالي لاذكرتك بزين
حجارك اوطين لاوادي نشال انتحين

الجواب من الشاعر صالح نشالي:

الدار به دار والنوبه بها نوبتين
وانتي تعلي لش امغديه ورا الحمّتين

ما تعرفي ويش معنا والسلب يحجرين
مالصاع بالصاع بانقضيه حاضر بدين
————
شاعر من طرف السلطان جعبل ابن حسين العوذلي
وانا سلامي عند بن سالم علي
دي حل حيد امخشع دي من لا عله

يامعاقل؛؛ امسلطان وصاني لكم
لا قال علمك وش تباني قول له؟؟

جاوب محمد سالم امدماني قال:

حيا الله الليله بذي جا عندنا
حيا امقرون امرجبات امسبله

قل له طلعنا في مسانيد امعجى
ومن طلع لامحيد وش باينزله
————

شلة لعبة، للشاعر بن لزنم العولقي:

يقول بن لزنم الدنياء بواطل وحق
جرو علي حمة الدسمال لاما انشعق

دسمال عديت فيه اربع ميه في طبق
واليوم لاعاد بعته بالميه مانفق

ردت عليه زوجته:

ويلك من الله ياشاهد على غير حق
يمين من باب صنعاء لا مشارف عتق

يمين لاحَطّ في الحيد الصليب انفلق
ماغير ذي شفت؛؛ والقينا عليه الحنق
————